José Luis González Roma, voceiro Municipal do Bloque Nacionalista Galego do Concello de
Cambados, ó abeiro da lexislación vixente,
EXPÓN
O acordo de presuposto asinado entre o goberno e o BNG de Cambados recollía unha serie de obrigas a implementar por parte do goberno, que se recollían en 9 puntos. Destes nove escasamente se cumpriron dous, a actualización das partidas orzamentarias acordadas, e a modificación do Fondo de Emerxencia Social, para crear unha liña específica de axuda ós usuarios dos comedores escolares xestionados polos ANPAS. Decimos escasamente porque este último punto non está a funcionar de maneira axeitada, facendo que as nais e os pais se perdan nunha maraña burocrática, sin conseguir a axuda para o comedor.
Das sete obrigas restantes, ou ben non se cumpriron ou van camiño de non facelo.
Non convocaron as axudas de cultura en prazo, as casas de cultura seguen sin contido, e sin novas tampouco das obras comprometias no acordo. Recordar que estas obras moi demandadas por parte da veciñanza inclúian a reforma do Centro Sociocultural Xacobe Castro de Corvillón, a reforma do parque infantil de Vilariño, o acondicionamento e mellora do Centro Cultural Manuel Mariño Castro en Oubiña e o acondicionamento tanto da senda litoral de Castrelo como do equipamento da Praia das Saiñas.
Queda moi evidente que o goberno non tiña ningún interese no acordo, só buscaba unha vez máis a foto. No BNG temos por costume cumprir o asinado e esiximos que o goberno tamén o faga.
Agora acabamos de ter coñecemento de que a subvención para a sustitución do tellado para o Centro Cultural de Vilariño parece que caducou sen ser executada, sería a enésima subvención que perde este equipo de goberno, e a obra necesaria quedaría sin realizar.
Ante o aquí exposto
SOLICITA
1.- Cales son os prazos que manexa o goberno para cumprir o acordo de presupostos asinado co BNG de Cambados.
2.- Que se nos confirme si caducou a liña de financiamento para a realización da obra no tellado do Centro Cultural de Vilariño.
3.- Si de certo caducou a liña de financiamento, que alternativa ten o equipo de goberno para a realización da obra.
