Operarios municipais remataron os labores de limpeza e acondicionado de viarios así como a habilitación de zonas de estacionamento e instalaron un panel informativo turístico sobre o santuario e o seu entorno
O tenene de alcalde David Carrera e responsables da Agrupación de Voluntarios de Protección Civil Oitavén-Tea mantiveron unha xuntanza de coordinación dun amplo dispositivo de seguridade que se porá operativo durante esta fin de semana para atender e prever calquera problema que se poida producir durante a celebración desta fin de semana dos actos relixiosos do Santo Cristo de Xende.
Por outra banda, operarios municipais e tamén da Deputación de Pontevedra remataron os labores de limpeza e acondicionamento dos viais por onde discurrirá este evento turístico-relixioso. O Concello aproveitou tamén a previsible afluencia de xente para colocar un panel turístico informatico sobre o entorno do santuario do Santo Cristo de Xende.
Responsables da agrupación de Protección Civil Oitavén-Tea desprazáronse ata as inmediacións do Santuario de Xende acompañados polo tenente de alcalde, David Carrera, para deseñar sobre o terreo as liñas xerais de actuación e ordenación do tráfico ante a previsible chegada dun número importante de devotos aos actos relixisos na honra do Santo Cristo.
PREVESE QUE O BO TEMPO E A RECUPERACIÓN DA NORMALIDADE REDUNDE NUNHA MAIOR AFLUENCIA DE DEVOTOS DO SANTO CRISTO
As boas previsións metereolóxicas e a recuperación da normalidade despois da pandemia da Covid-19 fai prever que esta fin de semana se produza unha gran afluencia de devotos ao entorno da igrexa de San Paulo onde está albergado o Santo Cristo de Xende. Así, nestes días e coincidindo coa celebración das Novenas, púdose observar unha gran afluencia de persoas e familias que percorreron os distintos viais que conducen ao Santuario do Santo Cristo de Xende (A Lama).
