O parque de bombeiros do Concello de Ponteareas pechou un ano a pleno rendemento cun saldo de 881 intervencións a 31 decembro. Dezaeis profesionais atenden as emerxencias de nove concellos das comarcas do Condado e da Paradanta e amosan a súa boa formación en cada intervención.
O tenente de alcalde e concelleiro de Seguridade, Juan Carlos González, salienta o traballo realizado polo equipo de bombeiros nos 38 incendios forestais, urbanos e industrias producidos no concello e nos 43 acontecidos noutros concellos. Ademais, a súa intervención foi indispensable nos 61 accidentes nas estradas e nos tres laborais.
A labor dos bombeiros de Ponteareas vai máis aló do lume e das 555 intervencións en recollida de arborado caído, desprendementos, cableado que obstrúe o paso e limpeza de vías. O concelleiro sinala que hai un aumento dos rescates de persoas que viven soas nos seus domicilios e as cifras do ano 2024 revelan 65 rescates de persoas. “Os bombeiros de Ponteareas amosan no seu día a día unha vocación e compromiso digno de salientar, implicados no protección e auxilio da vidas das persoas cada vez a súa faceta é máis social”, explica González Carrera.
Os profesionais do parque de Ponteareas participan en distintas accións formativas convocadas por diferentes administracións así como pola Axencia Galega de Emerxencias e participan en probas deportivas e como voluntarios en situacións de emerxencias como a acontecida pola DANA.
Ademais, colaboran coas distintas accións formativas de prevención desenvoltas nos centros educativos e son parte activa no bo desenvolvemento de eventos e festividades.
