Venres 6 de maio ás 20 h. no Bar O Diaño
*O custo de sobrevivir: a quebra da saúde mental”. Con este nome, Galiza Nova protagoniza unha campaña pola saúde mental da mocidade, na que xa se levaron a cabo diversas publicación denunciando as diferentes causas desta quebra da saúde mental: a pandemia, a precariedade, a crise climática, a violencia machista e lgbt-fóbicas
Dentro desta campaña, desde Pontevedra, realizarase unha charla-entrevista co recoñecido músico pontevedrés Berto, este venres 6 de maio ás 20 h. no bar O Diaño de Pontevedra, para falar do seu novo traballo Viaxe ao espazo interior, un álbum intimista onde fala do seu proceso e experiencia coa depresión e a necesidade de visibilizar os problemas de saúde.
“Cando sacamos a campaña de saúde mental sabía que quería facer algo para ir contra o estigma que é falar dos nosos problemas. Sempre queren que cales, que non digas que precisas axuda, que non fales de se tes depresión, ansiedade, se vas ao psicólogo… é algo que temos que tratar, mudar o noso xeito de enfrontarnos aos problemas. É por iso que me pareceu fantástica a idea de ter a Berto, para falar deste asunto de maneira intima e ligada co seu álbum” declara Xoán Antelo, responsábel comarcal de Galiza Nova.
Este acto ten a vontade de ser un encontro distendido onde o público se senta cómodo nun ambiente relaxado para invitar a interacción e participación co poñente e invitar a reflexionar sobre un asunto de tanta relevancia para mocidade como son os problemas de ansiedade e depresión.