• O alcalde traballa na liña de contratar un axudante de cociña para poder atender en perfectas condicións os mozos e mozas escolarizados demandantes do servizo de comedor
O alcalde do Concello de Cerdedo-Cotobade, Jorge Cubela, traballa man a man con responsables da Consellería de Cultura, Educación, Formación Profesional e Universidades na búsqueda dunha solución urxente e satisfactoria que permita que todos os alumnos demandantes do comedor escolar obteñan praza.
As xestións que está dirixindo o alcalde ante os responsables da Consellería xiran en torno a contratación dun auxiliar de cociña que poida garantir a axeitada atención aos alumnos que están á espera de obter praza no comedor escolar do Instituto de Cotobade.
Segundo manifestou o alcalde, Jorge Cubela, “é unha situación para a cal estamos buscando unha solución urxente e axeitada para que ninguén se quede sin este servizo de comedor escolar. Esta circunstancia, que imos resolver o máis axiña posible, pon de manifesto que o crecemento poboacional que está a experimentar o noso concello, sobre todo despois destes anos da pandemia da Covid-19 onde se detectou un movemento de xente ás zonas rurais, vén a ratificar que a xente aposta por virse a vivir aquí porque temos uns servizos e unha calidade de vida que atrae a novos residentes creando tamén novas necesidades de escolarización superando, incluso, as previsións máis optimistas. Pero hai que ter tranquilidade e a máxima confianza porque o problema vaise resolver”, indicou o alcalde de Cerdedo-Cotobade.
