• O alcalde solicita a colaboración veciñal e maniféstase inflexible ante actos incívicos que atentan contra o patrimonio de todos”
O alcalde de Cerdedo-Cotobade, Jorge Cubela, solicitou a colaboración da Garda Civil para aumentar a vixianza nocturna no entorno do colexio de Tenorio, lugar onde se detecta a celebración de botellóns ilegais que acaban con serios danos no mobiliario urbano da zona e do propio centro educativo como a lona recén instalada e que presenta diversos destrozos de especial importancia.
Jorge Cubela denunciou ante a Garda Civil estes actos vandálicos e solicitou a colaboración veciñal para identificar aos presuntos autores destas actividades lesivas para o patrimonio municipal ao afectar directamente a investimentos realizados con fondos públicos procedentes del Concello.
Cubela manifestou “non estar disposto a deixar pasar unha porque este tema estase pasando de castaño oscuro. Estanse celebrando botellóns ilegais no entorno do colexio de Tenorio e simultáneamente están aparecendo mostras de actividades vandálicas como a rotura de mobiliario urbano municipal e do propio centro educativo. Non pode ser que a proposta da comunidade educativa coloquemos unha custosa lona para protexer aos cativos das inclemencias do tempo e veñan uns desaprensivos a provocar nela graves roturas e destrozos. Estamos a falar dos cartos de todos e do patrimonio de todos os veciños e veciñas de Cerdedo-Cotobade e iso non o vou consentir”.
O rexedor xa se dirixiu á Garda Civil para que se incremente a vixianza nocturna da zona escolar e deportiva de Tenorio co fin de previr a celebración de botellóns ilegais e se propicien destozos. “Denunciamos estos graves feitos ante a Garda Civil e soliciteilles a súa máxima colaboración para previr e disuadir a elementos antisociais que son os responsables destes actos incívicos que están a ocasionar un grave prexuízo para a economía e o patrimonio de todos os nosos veciños.
Agardamos que con maior vixianza e a colaboración veciñal se dea por finiquitado este problema que xurde agora e está en fase larvario, pero xa é preocupante”, indicou o alcalde Jorge Cubela.