Home Pontevedra Caldas Cuntis aproba o reparto de axudas nomintivas a un total de...

Cuntis aproba o reparto de axudas nomintivas a un total de 14 entidades cun investimento que supera os 97.000 euros

- Anuncio -

Esta contía, aprobada grazas aos votos a favor do PSdeG-PSOE e coa abstención do Partido Popular e do BNG, supón un incremento  do 153% con respecto ás axudas que se daban en 2015 

O alcalde, Manuel Campos, destaca o labor fundamental que  desenvolven estas entidades culturais, lúdicas e deportivas para  dinamizar a actividade na vila 

O Pleno ordinario celebrado este pasado luns,  13 de maio, serviu para aprobar, grazas aos votos a favor do grupo municipal  do PSdeG-PSOE, o montante de axudas nominativas, correspondentes á  anualidade de 2024, que o Concello de Cuntis repartirá entre un total de 14  asociacións e entidades locais. O Partido Popular e o BNG abstivéronse á hora  de votar no que foi un dos puntos máis relevantes da sesión plenaria. O  Goberno local aposta polo reparto de 97.500 euros para garantir e facilitar que  estas agrupacións, clus e colectivos “continúen desenvolvendo ese labor tan  importante que realizan, á hora de dinamizar a actividade no noso concello,  ofrecendo á cidadanía todo tipo de ofertas lúdicas, deportivas e formativas”,  sinalou o alcalde, Manuel Campos. Proba do compromiso que ten o Concello  co tecido asociativo local é o feito de que, desde a chegada do actual grupo de  Goberno á Alcaldía no ano 2015, esta dotación de subvencións incrementouse nun 153%. Tal e como recordou o rexedor cuntiense, no ano 2015 só había  sete asociacións que recibían este tipo de axudas, polas 14 actuais, e a contía  total foi de 38.540 euros. As cifras foron incrementándose de xeito paulatino,  ata chegar aos 97.500 euros de 2024, a segunda cifra máis alta da última  década e que supón un incremento de case un 3% con respecto ás anteriores.  “Sen contar as partidas do exercicio actual, o investimento total realizado polo  Concello desde que chegamos ao Goberno é de preto de 500.000 euros”,  puntualizou Campos.  

Dentro deste reparto, a Escudería Cuntis e a Fundación Castrolandín contarán  con 14.000 euros, respectivamente, neste exercicio. No caso da Fundación, o  alcalde Campos Velay lembrou que desde a chegada do PSOE á Alcaldía xa  de destinaron a esta entidade máis de 600.000 euros. “Só en traballos de  acondicionamento el impeza a contía supera os 35.000 euros”, recordou  Manuel Campos. Co respecto ao resto de subvencións, o Club de Montaña  Xesteiras e o Atlético Cuntis Fútbol Club recibirán 12.000 euros; o Club  Atletismo Cuntis 9.000 euros; a Asociación Festival A Revolta do Umia contará  con 8.500 euros; o Club Baloncesto Cuntis con 7.000 euros, a Asociación Río  Gallo recibirá 6.000 euros e a Agrupación de Baile e Música Tradicional de  Cuntis obterá unha achega de 5.000 euros. O listado complétase coa Escola  Artística de Cuntis (3.000 euros), a Asociación Hai que Roelo (2.000 euros), a  Belle Epoque (2.000 euros), o Cuntis Veteranos (2.000 euros) e a Asociación  de Comerciantes de Cuntis (1.000 euros).  

Por outra banda, na sesión plenaria deste luns tamén se aprobou a nova  ordenanza fiscal reguladora para o Servizo Municipal de Emerxencias. Este  regulamento establece unha serie de taxas, en función da prestación que leven  a cabo os e as profesionais que forman parte deste corpo de seguridade, e que  tamén variarán tendo en conta o número de efectivos, a duración da actuación  ou o material empregado, entre outros factores. Unha vez acadada esta  aprobación inicial, que se obtivo grazas aos votos favorables dos integrantes do equipo de Goberno e a abstención da oposición, abrirase un período de 30  días hábiles para a presentación de alegacións. No caso de que nese prazo  non se rexistre ningunha alegación quedará aprobada de xeito definitivo.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas