- O presidente da Deputación de Pontevedra, Luis López, e o alcalde de Arbo, Horacio Gil, asinaban un convenio en novembro de 2023 a través do cal o goberno provincial financiará o 90% dos traballos para a mellora da mobilidade peonil na contorna da capela de San Xoán de Barcela. É dicir, achegará 370.000 euros, mentres que o Concello achegará o 10% restante: 40.000 euros.
- O obxetivo principal é recuperar o actual espazo de tráfico rodado en beneficio do peón, limitando a velocidade dos vehículos no interior do espazo a 10 km/h mediante elementos redutores tales coma estreitamentos no espazo dispoñible para a circulación, cambios de pavimentos, mobiliario urbano, sinalización vertical, bolardos, etc…
Dan comezo as obras da Mellora da Mobilidade Peonil no entorno da Capela de Barcela, con un importe das obras 405.509,66 €, subvencionadas no 90% pola Deputación de Pontevedra, ao abeiro dun convenio asinado entre o Presidente da Deputación Luis Lopez e o alcalde de Arbo, Horacio Gil no mes de novembro do 2023.
O Proxecto Global de Mellora abrangue un ámbito de actuación de 4.120 m2 na área central do núcleo rural de Barcela, asentamento de altísimo valor patrimonial, histórico e social.
As actuacións proxectadas prevén a recuperación para o peón deste ámbito de gran valor patrimonial e o tratamento axeitado destes espazos heteroxéneos, buscando harmonizalos e cuns obxectivos específicos tales coma a creación dun espazo público de calidade, a mellora e aumento da superficie destinada ao peón e á bicicleta, con vías continuas e atractivas, así como o establecemento dun novo modelo de xerarquización viaria a nivel urbano, destinado a diminuír o impacto do vehículo privado e facilitar as conexións peonís no propio núcleo, derivando o tráfico rodado ao viario xeral.
O deseño dos espazos urbanos virá caracterizado principalmente pola posta en valor dos elementos patrimoniais, converténdoos nos protagonistas duns escenarios onde desenvolver diversas actividades de carácter peonil, na procura de intensificar as relacións sociais e de ocio entre os habitantes e visitantes do núcleo.
O respecto aos elementos culturais e aos espazos de actividade social tales como a Praza de Barcela, escenario habitual de celebracións e actos festivos, que conforman unha parte do patrimonio inmaterial do núcleo de Barcela.
O Concello de Arbo está a promover unha serie de actuacións no municipio de Arbo, de humanización que melloran a mobilidade peonil e a accesibilidade, á vez que poñen en valor os elementos patrimoniais, xerando espazos urbanos de alta calidade para o desfrute das persoas, nos diferentes núcleos rurais do municipio.
