Dende hoxe xa se poden retirar as entradas para a proxección de Función de noche, aclamado documental de Josefina Molina, e incluída dentro do Ciclo Pioneiras da programación previa dos Premios Feroz en Pontevedra. As localidades gratuítas están dispoñibles desde hoxe para toda a cidadanía na Oficina de Turismo da Praza de España de Pontevedra.
Esta proxección enmárcase na ampla programación de novembro dos Premios Feroz, marcada por un carácter feminista para achegar figuras e oficios esenciais do sector audiovisual que non sempre teñen visibilidade para o gran público, coincidindo coa celebración do Día Internacional da Eliminación da Violencia contra a Muller o día 25.
O Ciclo Pioneiras
O mes de novembro estivo e estará centrado no ciclo Pioneiras, unha iniciativa que recoñece a directoras, guionistas e produtoras que son un referente. Todas as proxeccións do ciclo son de balde, previa retirada de localidades na Oficina de Turismo, cun máximo de 4 entradas por persoa.
Programación xa celebrada:
- Sábado 1 de novembro: Tivo lugar a proxección de Brumal de Cristina Andreu, quen conversou sobre o sector cinematográfico coa xornalista Teresa Cuíñas. Andreu é fundadora e foi presidenta durante sete anos da Asociación de mulleres cineastas CIMA.
- Mércores 5 de novembro: Proxectouse Vamos, Bárbara, ópera prima de Cecilia Bartolomeu (Premio Feroz de Honra 2022). A produtora Sol Carniceiro —primeira muller en España en asumir a dirección de produción nunha longametraxe— charlou con María Hermida (La Voz de Galicia) sobre o filme. A película (95 min) trata sobre unha muller de 40 anos que decide separarse do seu marido para levar unha vida máis libre, mostrando as limitacións e prexuízos da España trala morte do ditador.
Próximas citas imprescindibles: - Xoves 20 de novembro (18:00h, Teatro Principal): Proxección de Función de noche de Josefina Molina.
Este documental levou a autoficción a outro nivel. O coloquio posterior contará coa xornalista Concha Barral e Belén López (Diario de Pontevedra), que compartirán curiosidades das grandes divas do celuloide.
◦ Lémbrase que as entradas para esta sesión se poden retirar dende hoxe na Oficina de Turismo do
Concello, no horario habitual. - Luns 24 de novembro (18:00h, Teatro Principal): Proxección de El crimen de Cuenca, seguida dun coloquio coa súa guionista, Lola Salvador. Salvador é autora de guións imprescindibles e foi distinguida coa Medalla de Ouro ao Mérito das Belas Artes (2011) e o Premio Nacional de Cinematografía (2014).
Estará acompañada pola xornalista e cineasta Paula Cons.
Clases maxistrais e debates (entrada libre ou con inscrición)
Ademais do ciclo Pioneiras, a programación de novembro inclúe importantes actividades formativas e de debate, ademais da clase maxistral da figurinista Cristina Rodríguez. - Mércores 19 de novembro (19:00h, Facultade de Deseño da UVigo en Pontevedra): Clase maxistral:
Conversando sobre deseño de vestiario con Cristina Rodríguez. A deseñadora de vestiario de cine e TV, coñecida tamén como xurado do programa de televisión Cámbiame, compartirá a súa perspectiva profesional como estilista, o seu proceso creativo e a súa visión do sector. A entrada é libre ata completar aforo e non require retirada previa de entrada. Rodríguez estivo nomeada aos Goya en 7 ocasións e gañou un Premi de l’Audiovisual Valencià en 2019. - Xoves 20 de novembro (10:00h, Aula de cine da Facultade de Comunicación): A Academia Galega do Audiovisual organiza a xornada ‘Procesos de escritura: guión, interpretación e montaxe’, para destacar o guión como ferramenta de diálogo entre distintos oficios. A entrada é de balde e non require retirada previa. A xornada incluirá dúas mesas de diálogo:
◦ 10:15 – 11:30h. Guión e interpretación: Con Victoria Teijeiro, Ledicia Sola, Fernando Tato e Paula Cons.
◦ 11:30 – 13:00h. Guión e a montaxe: Con Laura Piñeiro, Sandra Sánchez, Ángel Filgueira e Gaspar Broullón. - Mércores 26 de novembro (19:00h, Casa da Luz): O Colexio Profesional de Xornalistas de Galicia e os Feroz organizan o encontro sobre xornalismo cultural ‘Informar sobre cinema’. Participarán María Guerra, presidenta da AICE; Ángel Suanzes (CSAG); e Andrea Villa, especializada en comunicación cultural cinematográfica. Debaterase sobre os límites da información cinematográfica e o papel da crítica. A entrada é de balde con inscrición previa en xornalistas@xornalistas.gal.
Gran Final do Mes: Anuncio de Nomeados Feroz 2026
O mes de novembro culminará cun día moi especial: - Xoves 27 de novembro: Pola mañá, terá lugar o anuncio de nomeados á 13ª edición dos premios da AICE. Pola tarde, celebrarase un coloquio no Teatro Principal cos intérpretes que desvelen os candidatos, onde charlarán co público pontevedrés sobre as súas carreiras e os títulos favoritos dos Feroz 2026.
Ambas actividades serán abertas ao público, previa retirada de entradas na Oficina de Turismo da rúa Montero Ríos, sete días antes de cada acto.
