O Plan de Termalismo Social Depotermal, organizado pola Deputación de Pontevedra en
colaboración co Concello de Moraña, xa está en marcha. Trátase dun programa co que
fomentar o turismo termal na nosa provincia, que é punteira neste tipo de establecementos e tratamentos, para así axudar á súa desestacionalización.
Os requisitos para participar son:
- Ter nacido antes do 1 de xaneiro de 1972.
- No caso de nacer o 1 de xaneiro de 1972 ou con posterioridade, ter a condición de pensionista polos conceptos de xubilación, invalidez, viuvez ou outras pensións (achegarase fotocopia do certificado correspondente).
- No caso de nacer o 1 de xaneiro de 1972 ou con posterioridade, ter recoñecido un grao de
discapacidade igual ou superior ao 65 % (acreditarase coa tarxeta ou certificado de discapacidade) - É imprescindible non padecer ningunha enfermidade ou patoloxía incompatible coa actividade do programa e, asemesmo, estar en condicións de total autonomía persoal.
- As parellas que desexen participar deberán cumprir os mesmos requisitos.
O alcalde, José Cela, explicou que se trata dunha oportunidade “moi boa para a xente da terceira idade que queira coñecer por primeira vez algún balneario da nosa contorna ou que xa vivira a experiencia e que queira repetir”. - Os establecementos aos que se poderá optar nesta edición do programa son:
● En asistencia diaria (cinco mañás ou tardes, de lunes a venres):
○ Palacio del Agua de Mondariz
○ Balneario Termas de Cuntis
○ Hotel Spa Via Argentum (Silleda)
○ Hotel Spa Galatea (Portonovo)
○ Hotel Spa Nuevo Astur (Vilalonga)
● En réxime de pensión completa (6 días e 5 noites, de domingo a venres):
○ Gran Hotel Talaso Sanxenxo
○ Hotel Spa Carlos I Silgar
○ Balneario Termas de Cuntis
○ Hotel Spa Norat Torre do Deza Lalín
○ Hotel Spa Galatea (Portonovo)
○ Hotel Spa Nanin Playa (Sanxenxo)
○ Hotel Spa Nuevo Astur (Vilalonga)
O prazo de solicitudes estará aberto ata o 3 de maio. As solicitudes presentaranse preferiblemente por vía Electrónica, a través do formulario normalizado dispoñible na Sede
Electrónica da Deputación, con dirección https://sede.depo.gal.
Opcionalmente, poderán presentarse as solicitudes presencialmente en calquera dos lugares e rexistros establecidos na normativa reguladora.
