Detectada unha vertedura nunha zona de monte de Saxamode

Na tarde de onte axentes da Policía Local de Redondela foron requiridos por unha vertedura de augas fecais no monte. Foi unha veciña de San Estebo de Negros a que deu o aviso tras localizar a vertedura na zona de Saxamonde. Axentes da policía deron coa súa orixe nunha arqueta no camiño do Balado. Deuse aviso a Augas de Galicia, que acudiu ao lugar e tomou mostras. Tamén se achegaron á zona operarios da empresa Aqualia, concesionaria do servizo de saneamento. Estes traballadores manifestaron posteriormente que a vertedura podería terse producido por un atoamento na rede causado polas raíces das árbores. Colaborou Protección Civil de Redondela.