A Policía Local detivo este domingo a un conductor por atentado á autoridade ao empurrar e forcexar cos axentes.
Os feitos ocorreron ás portas da propia Xefatura cando tres persoas “bastante alteradas”, segundo o parte policial, estaban falando co xefe de quenda xa que o seu coche lles fora inmobilizado por alcoholemia positiva.
O detido, nado en 1999, encarouse aos axentes “de malos modos”, preguntándolles como ía facer para regresar á Illa de Arousa xa que non tiña coche. Ante a suxestión dos axentes que de empregase o transporte público, encarouse a eles, insultounos e chegou a empurrarlos e forcexar polo que finalmente tiveron que reducilo no chan, ante a imposibilidade de que depuxera a súa actitude.
