Home Pontevedra A Paradanta A Deputación destinará 130.000 euros a dotar de sistemas de reciclaxe a...

A Deputación destinará 130.000 euros a dotar de sistemas de reciclaxe a once concellos da provincia para dar vida ao comercio en zonas rurais

- Anuncio -

Instalaranse illas ecolóxicas de contedores nos concellos de Agolada, Arbo, Barro, Campo Lameiro, Cuntis, Forcarei, Meis, Mondariz, As Neves, Rodeiro e Pontecesures

A Xunta de Goberno da Deputación acaba de dar luz verde á contratación, cun orzamento base de licitación de 130.000 euros, do subministro de illas ecolóxicas de contedores ao abeiro do proxecto “Da túa man” (rural), o programa de apoio á actividade comercial do rural da provincia que se desenvolve en once concellos da provincia: Agolada, Arbo, Barro, Campo Lameiro, Cuntis, Forcarei, Meis, Mondariz, As Neves, Rodeiro e Pontecesures. “Este é un proxecto que busca visibilizar e modernizar o pequeno comercio local no ámbito rural, así como crear vínculos en toda a cadea de valor do comercio local e do produto de Km 0”, explicou o presidente provincial, Luis López, en rolda de prensa.

En concreto, as illas ecolóxicas contarán con contedores específicos para papel/cartón, envases lixeiros, vidro, biorresiduos e restos, e as empresas interesadas poderán presentar propostas ata 15 días despois da publicación do anuncio de licitación. As instalacións deberán estar dotadas, ademais, dun panel con información para facilitar a identificación das diferentes fraccións de residuos, apoiando esta última con guías/folletos a distribuír entre os comercios, así como guías/folletos para facilitar a elección do xestor e o seu tratamento.

Ademais desta iniciativa que acaba de lanzar a Deputación, “Da túa man (rural I)” abrangue outros proxectos que xa están en marcha, como a instalación de dispositivos para a reciclaxe de residuos especiais, a posta en marcha dunha rede de comercio retallista, produtores locais e provedores, a instalación de sinalética integrada, a promoción de bolsas e mochilas sostibles, a posta en marcha de campañas de comunicación e promoción en soportes dixitais e diferentes accións formativas.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas