Andrés Bahillo, Director Generente do Pontiñas Centro Comercial e de Lecer Gadis, Teresa Romero, representante de comerciantes e membro da Xunta Directiva do Centro, Avelino Souto e Karen Fernández, concelleiros do Concello de Lalín, presentaron esta mañá ás 12.00 h no Pontiñas Centro Comercial e de Lecer Gadis a pista de xeo colocada na chaira do propio centro comercial.
Despois de 6 anos, Lalín volve ter pista de xeo grazas ao acordo entre Pontiñas CC e de Lecer Gadis e o Concello de Lalín. A empresa Atlántida instalou unha pista de xeo natural de 300 m2 co seu sistema exclusivo de tubaxes de aluminio patentado pola empresa internacional de pistas de xeo Ice World e da cal Atlántida é representante exclusivo en España.
A pista de xeo pódese gozar ata o 8 de xaneiro. Grazas a esta localización, o público que desexe acudir á pista de xeo contará con oferta para aparcar facilmente o seu vehículo ademais de poder consumir dentro do centro comercial.
O convenio entre o Concello de Lalín e o Pontiñas ccyo Gadis supón unha alianza que poden gozar todos os veciños e veciñas de Lalín e arredores e que enriquece a oferta cultural do pobo durante a campaña de Nadal.
O prezo da entrada é de 5,5€ en sesións de 30 minutos cun prezo especial para colexios de 2€.
De luns a venres en horario de 10:00 h a 13:00 h a pista estará dispoñible para os colexios e nas tardes para o público en xeral nun horario de 17:00 h a 21:00 h. As fins de semana, festivos 11:00 h a 21:00 h.
Ademais, o Pontiñas centro comercial e de lecer Gadis conta cunha oferta exclusiva para os seus clientes onde regalan invitacións gratuítas por compra superiores a 35 € dentro dos seus establecementos.
