· Dalle un lavado de cara e colócalle unha pegatina mentras anuncia que tardarán polo menos 3 meses en colocar os novos contedores aos que está obrigado polo contrato.
· Diseminados polo rural hai contedores sen rodas, rotos, destrozados, parcheados con arames e desprendendo un cheiro insufrible polos veciños e veciñas das zonas rurais.
O PPdeG de Ponte Caldelas demandará do alcalde Andrés Díaz no vindeiro Pleno que faga cumprir de inmediato o contrato á nova concesionaria do Servizo de Xestión de Residuos Sólidos Urbanos e que poña de forma inmediata os contedores que ofreceu na súa oferta para lograr a concesión da recollida do lixo no concello.
Ante este incumprimento, o alcalde decidiu aplicar unha operación cosmética ao servizo e concentrou os contedores que están en mellor estado no centro da vila e nos lugares máis vistosos e deixou no rural contedores destrozados, sen rodas, con parches de aramio e cun cheiro insufrible para veciños e veciñas.
“Aqueles que aínda se manteñen en pé despois de ter esgotada a súa vida útil e co contrato caducado e sen sacar a concurso desde hai 5 anos, son sometidos a un lavado express e se lles coloca unha pegatina para disimular o seu mal estado, mentras que no rural permanecen destrozados e sin rodas un gran número deles sin que sexan substituídos polos novos que ofreceu no proceso de contratación a nova empresa concesionaria do servizo”, indicaron os edís do PPdeG.
Mentras esto sucede o alcalde para mitigar as continuas queixas veciñais polo mal funcionamento do servizo de recollida de lixo xa se apresurou a anunciar no seu facebook que se substituirían os contedores nos vindeiros 3 meses cando a nova concesionaria tiña que entrar a traballar aportando xa os novos contedores que substitúan aos que viñan prestando o seu servizo e que xa teñen esgotada a súa vida útil desde hai 5 anos que caducou o contrato anterior e que o alcalde prorrogou continuamente sen exercer ningún control e facendo deixación de funcións para obrigar á empresa a que fixera ben o seu traballo.
O PUNTO LIMPO SEGUE PECHADO
Por outra banda, o alcalde anunciara que a nova empresa concesionaria do servizo de recollida de lixo íase encargar da xestión do Punto Limpo e que, a diferencia de ata o de agora, abriría todos os días da semana agás do domingo ofrecendo un amplo e cómodo horario. “Esta é outra promesa incumprida máis porque desde que se fixo cargo a nova empresa o Punto Limpo segue pechado e sen a atención horaria comprometida o que é un novo incumprimento o que nos leva a pensar que con este alcalde as empresas que contratan con Concello fan o que lles dá a gaña sen que ninguén defenda os intereses nin os dereitos dos veciños e veciñas, como é obriga dun bo xestor público”, sinalaron os concelleiros do PPdeG.
Finalmente, o PPdeG esixiralle ao alcalde no vindeiro Pleno que cumpra as súas obrigas como gobernante e faga cumprir ás empresas todas e cada unha das cláusulas dos contratos que subscriben co Concello como garantía de que se está a facer o labor para o que foi elixido e se defenden os intereses dos cidadáns, que para iso pagan os seus impostos e soldos tan elevados ao grupo de concelleiros e asesores tan numeroso o que dispón o equipo de goberno.