• O presidente do PP de Pontevedra mantén un encontro con máis de 40 asistentes a unha reunión centrada na falta de saneamento, a deterioración dos servizos básicos e a ausencia total de investimentos municipais
• A alternativa de goberno intensificará en 2025 as reunións cos barrios e as parroquias para “manter o pulso cos cidadáns e seguir demostrando que a nosa prioridade son todos eles”
O presidente local e portavoz municipal do Partido Popular de Pontevedra, Rafa Domínguez, visitou aos veciños de Bora para desexarlles un feliz ano 2025 e garantirlles a súa “colaboración total para saldar a débeda que o Concello de Pontevedra arrastra, desde hai moito tempo, co saneamento da parroquia e a zona de Ou Quinteiro”.
O xefe da oposición continúa o seu periplo polo rural pontevedrés para dar voz a todos os veciños, independentemente da súa ideoloxía, e seguir visibilizando, cada semana, que as parroquias da cidade levan anos abandonadas polo alcalde e os concelleiros do BNG, co apoio dun PSOE cada vez máis dócil.
Acompañado polos concelleiros populares Martín Martínez e Beatriz Rey, Domínguez escoitou e compartiu as súas ideas políticas cos máis de 40 asistentes á reunión que lle pediron axuda para que o goberno local invista no benestar e a calidade de vida dos veciños de Bora que, “anos despois de pagar o enganche, aínda están sen saneamento”.
O líder do PP local ha esixido publicamente ao nacionalista #Miguel Anxo Fernández Lores que converta a chegada da rede de sumidoiros a Bora nunha das súas máximas prioridades para o 2025, despois de anos sen acordarse da parroquia, salvo en momentos puntuais cando chegan os comicios electorais.
A antítese política represéntaa o Partido Popular que, desde o inicio do mandato, envorcouse cos barrios e as parroquias, na súa condición do partido que representa a máis cidadáns e “#ante a manifesta falta de preocupación por un rural con peores servizos, a pesar de pagar os mesmos impostos, con contedores en malas condicións, falta de roza, cunetas sen limpar e mobiliario público roto ou deteriorado”, insistiu.
O dirixente popular avoga polo contacto directo coa xente para coñecer a situación de primeira man e tentar solucionar os problemas que o goberno local foi incapaz de resolver: “Este 2025 imos intensificar as reunións veciñais para preocuparnos polos nosos cidadáns e seguir demostrando que a prioridade para o PP de Pontevedra son todos eles”.
