• O presidente do Partido Popular de Pontevedra, Rafa Domínguez, sostén que se trata dun “desastre administrativo, resultado da falta de traballo dun Goberno que xa está a esgotar o seu ciclo”
O presidente do Partido Popular de Pontevedra, Rafa Domínguez, lamentou a paralización do contrato de xestión de residuos de Pontevedra, en fase de presentación de ofertas. Esta noticia dáse a coñecer cando, para o popular, a cidade “está máis sucia e menos coidada”: “Debemos actuar con urxencia #ante a falta de limpeza e o descoidada que está o municipio en infinidade de puntos”.
Para Domínguez trátase dun “desastre administrativo, resultado da falta de traballo dun Goberno que xa está a esgotar o seu ciclo, cunha cidade que pide cambio”. “Van sete prórrogas deste contrato. Lores non é capaz de sacar adiante un contrato de envergadura”, declarou.
“Debemos sacar adiante este contrato e facelo canto antes. Se tivésemos un Goberno local serio e responsable, non habería problema. Pero #ante a falta de rigorosidade e de traballo dos encargados desta área, non cremos que a tramitación sexa áxil”, dixo o popular.
