O presidente do PP de Pontevedra, Rafa Domínguez, presenta un plan dotado con fondos públicos para que os mozos de catorce anos poidan pasar tres semanas en Reino Unido ou Irlanda para mellorar o seu nivel da lingua inglesa
O Concello faríase cargo de todos os gastos e podería optar ao programa o alumnado de terceiro da ESO con todas as materias aprobadas no curso anterior, segundo, e que estea empadroado en Pontevedra
Domínguez explicou que se trata dunha promesa electoral que levará ao próximo Pleno municipal para que xa se empezo a elaborar as bases da convocatoria e así o programa estea dispoñible o verán do 2023
O presidente do Partido Popular de Pontevedra, Rafa Domínguez, presentou este venres un programa municipal de inmersión lingüística en inglés para o alumnado de terceiro da ESO. Trátase un plan dotado con fondos públicos para que os mozos de catorce anos poidan pasar tres semanas en Reino Unido ou Irlanda para mellorar o seu nivel da lingua inglesa.
“Entendamos o que este programa implica para os mozos: non só unha mellora significativa do seu inglés, tamén unha mellora madurativa, pois conleva o aprender a desenvolverse en situacións fóra da súa zona de confort e establecer relacións con persoas doutras nacionalidades, coñecendo outras cidades e outras culturas”, explicou o popular.
Domínguez recoñeceu que se trataba dunha promesa electoral, pero explicou que a levará ao próximo Pleno municipal para que o programa xa estea dispoñible o próximo verán, o do 2023. “Se consigo ser alcalde, probablemente o nomeamento non se produciría ata entrado o mes de xuño, o que faría absolutamente inviable que os alumnos puidesen acceder a esta oportunidade”, explicou o popular.
Se a medida aprobásese no próximo Pleno municipal, os funcionarios do Concello poderían comezar a redactar as bases da convocatoria e así o programa estea dispoñible o verán do 2023. A idea, dixo Domínguez, é que esta oportunidade se vaia repetindo durante os próximos anos con aqueles mozos que chegan ao terceiro curso do ensino obrigatorio.
Que incluiría o plan? A estancia durante tres semanas en Reino Unido ou Irlanda, os gastos de viaxe (ida e volta), monitores bilingües que acompañarán aos alumnos na ida o regreso (cunha proporción dun monitor por cada 10 alumnos), a matrícula nun curso intensivo de mellora de lingua inglesa, os materiais necesarios para o desenvolvemento do devandito curso co seu correspondente certificado ou diploma acreditativo e as actividades culturais e deportivas extracurriculares dispoñibles.
Ademais, Domínguez incidiu na importancia de que o aloxamento, tamén incluído, sexa cunha familia nativa, en réxime de pensión completa durante as tres semanas.
A quen vai dirixido o programa? A todo o alumnado de terceiro da ESO que teña todas as materias aprobadas do curso anterior, é dicir, segundo, e que estean empadroados en Pontevedra. Por iso, Domínguez conta con habilitar unhas 300 prazas, “entendendo que se trata dun número aberto e trataremos de que ninguén quede sen praza”.
O programa será completamente gratuíto para as familias cun membro en paro, para as familias monoparentais e monoparentais, e para as familias que en unidade familiar a renda per cápita se inferior a 15.000€. Aquelas con unha renda superior a esta cantidade só terán que abonar o 25 por cento da viaxe.
O prezo aproximado desta viaxe é duns 2700 €, calcula Domínguez. Polo que o custo para as familias cuxos ingresos por persoa excedan de 15.000 € será de 675 €, facéndose o Concello de Pontevedra cargo do resto. O custo total para as arcas públicas será de 900.000 €, que, para o popular, nun Concello cun orzamento de 128 millóns, “é máis que aceptable”.
