• O dirixente do PP aposta por un modelo de xestión do diñeiro público “moi diferente” ao do goberno local, despois de anos “malgastando” miles de euros nunha planta de compostaxe inexistente na Canicouva ou nun skatepark facilmente substituíble
• O partido máis votado da cidade critica ao BNG por “tirar o diñeiro de todos os pontevedreses cada vez que se realizan eventos festivos en Raíña Victoria”
O portavoz municipal do Partido Popular de Pontevedra, Rafa Domínguez, reprochou que o goberno local de #Miguel Anxo Fernández Lores gaste outros 12.208,90 euros nun contrato menor para o servizo de desmonte e posterior recolocación do skatepark da avenida Reina Victoria, con motivo da XLI Carreira Popular de San Silvestre.
O xefe da oposición defendeu a celebración deste evento deportivo, que se celebrará durante a tarde do 31 de decembro, e que forma parte do calendario tradicional dos pontevedreses durante o Nadal.
A crítica de Domínguez diríxese ao BNG por “seguir malgastando o diñeiro de todos os pontevedreses nun skatepark facilmente substituíble que debería instalarse noutra localización máis idónea, no canto de supoñer un gasto periódico para as arcas municipais cando se achegan as datas da Peregrina ou outros eventos festivos como leste”.
A súa construción en 2022, fronte ao instituto Sánchez Cantón, tivo un custo inicial de 80.000 euros que foi en aumento polas veces que o Concello de Pontevedra contratou o servizo de desmonte e recolocación das pezas de cantería.
“Desde o PP apostamos por un modelo de xestión do diñeiro público moi diferente ao de Lores. Na nosa forma de gobernar útilmente, pensando nos cidadáns, é inviable a creación de skateparks facilmente substituíble ou pagar 20.000€ ao ano por uns terreos na Canicouva para unha planta de compostaxe que non se vai a facer”, declarou.
O dirixente popular ha pedido “sentidiño” á hora de destinar os fondos económicos municipais a uns fins ou outros, @teniendo en cuenta que Pontevedra está, actualmente, con “os servizos sociais baixo mínimos, un conflito laboral latente cos traballadores públicos, unha sensación de abandono total dos barrios e das parroquias, o abandono de funcións en materia de seguridade cidadá ou a falta de limpeza e mantemento da contorna urbana”.
