Venres 6 de maio ás 20.30 h. no Local de Xubilados
Dentro dos encontros que o Portavoz municipal do BNG, Ernesto Filgueira, está a manter cos veciños e veciños das distintas parroquias do concello para escoitar as súas demandas e abordar diversos aspectos da política municipal relacionados coa parroquia, reunirase este venres, 6 de maio ás 20,30 h. no local dos xubilados coa veciñanza de Tenorio.
Dentro desta rolda de escoita e de propostas, Ernesto Filgueira fai un chamamento ás entidades sociais, culturais e deportivas, comunidades de montes ,así como a veciñanza en xeral da parroquia, a aportar a súa visión e as súas inquedanzas sobre a situación de Tenorio e as accións que consideran máis necesarias acometer para o seu desenvolvemento futuro.
