O Concello convida a participar na excursión “En Ruta Coñecer Covelo”
O Concello de Covelo convida a coñecer parte do seu patrimonio etnográfico e participar na excursión “En Ruta Coñecer Covelo” o sábado día 17. A inscrición xa está aberta e poderase realizar contactando nos números de teléfono 646 600 059 / 629 14 17 15. Patrocinada pola Deputación de Pontevedra e organizada polo Concello e a Casa-Museo etnográfico Pazo da Cruz, a excursión ten un custo de sete euros e inclúe o seguro.
A saída será dende a praza de Covelo ás 10.00 h, neste punto afondarase na historia do Cruceiro de Covelo para logo saír rumbo a Lourido e descubrir os Pasos de Lourido. A continuación visitarán a Casa Museo Etnográfico Pazo da Cruz, o Dolmen de Rebordechán-Graña, a Casa Museo Leónides (Graña) e a ponte do rio Cabras, tamén na Graña.
O escritor e etnógrafo Maximino Fernández Sendín guiará aos e ás participantes pola historia de Covelo para gozar dunha xornada de lecer e aprendizaxe.
