Como xa ben sabedes, e non nos cansaremos de dicilo, na Biblioteca Municipal Xela Arias de Chapela temos persoas usuarias que nos fan a vida marabillosa. Despois de poñer en marcha, no mes de febreiro, os «Contos da veciñanza» pudemos apreciar que esta actividade nos gusta a todos e a todas:
– Xuntámonos as familias da contorna
– Pasamos algo de nervios
– Un momento para compartir a creatividade… e a literatura
– Rímonos moito
– Todos xuntos participamos e aprendemos
Despois dunha exitosa sesión en febreiro, vén agora unha segunda parte mellorada, e coa que nos propoñemos festexar o Día do Libro Infantil e Xuvenil. As contadoras Lía e máis Beatriz , que quedaron moi satisfeitas, volven ao escenario para ofrecernos contos e historias. Remataremos facendo unha pequena actividade todos xuntos.
Será o venres 4 de abril, ás 18:30 h.
A proposta é para nenos e nenas a partir de 3 anos.
Dado que as prazas son moi limitadas, deberedes anotarvos previamente na biblioteca.
📞986-454-226
💻bibliotecachapela@redondela.gal
Este ano a Biblioteca Xela Arias celebra o seu 20 aniversario, e quere facelo fortalecendo o seu vencello coas persoas usuarias. Grazas á veciñanza por compartir con nós o seu tempo, habelencias e talento na biblioteca.
