O Concello ofreceu gratis durante o mes de xullo e semanalmente cinco campus (cociña, graffiti, comic, guitarra e barro) elixidos por eles e a cargo de profesionais da comarca. A totalidade das prazas foi cuberta.
“Foron un éxito rotundo e consideamos que así ten que ser, preguntar á rapazada sobre os seus gustos e que eles mesmos propoñan, é a mellor maneira de acertar”, considera o alcalde, Juan González
O campus de guitarra para crianzas de 9 a 14 anos puxo fin aos campamentos creativos de verán deseñados desde a ‘Xeración Xa!’. As crianzas do municipio asumiron este ano o reto de deseñar os plans de ocio infantil que, ata agora, se elixían desde o Concello. Deste xeito, o órgano municipal de participación infantil e xuvenil autonomeado como ”Xeración Xa!’, apostou nas súas asambleas mensuais por organizar campus máis creativos ou artísticos que complementasen aos deportivos que, tradicionalmente, xa ofrece o consistorio xunto aos clubes do municipio. O resultado foi que este ano, durante o mes de xullo e de luns a xoves gratuítamente, o Concello ofreceu no Centro da Terceira Idade da Ramallosa, aproveitando que está vacío temporalmente, os campus de graffiti e camisetas personalizadas a cargo de Seek Selff; ‘Introdución ao barro e creación libre’, con Nerea Vila; ‘Manga e cómic’, con Coral Martínez; ‘Alimentación, cociña e nutrición’, con Iria Otero e Ramón Moes; e, finalmente, ‘Guitarra’ con Gain Over. Cada crianza pudo inscribirse a un máximo de 2 campus para favorecer a máxima participación, esgotándose en todos os casos a ducia de prazas ofrecidas.
“Foron un éxito rotundo e consideamos que así ten que ser, preguntar á rapazada sobre os seus gustos e que eles mesmos propoñan, é a mellor maneira de acertar”, considera o alcalde, Juan González, quen subliña o orgullo que supón “contar cunha infancia e adolescencia comprometida e participativa que permite ao Concello deseñar de verdade as políticias culturais, sociais ou medioambientais que eles mesmo deciden, sen imposicións desde un punto de vista só adulto”, considera.
A ‘Xeración Xa!’, o consello de participación infantil creado polo Concello de Nigrán no ano 2021, está constituído por crianzas de diferentes centros educativos do municipio e reúnese durante o curso escolar mensualmente, destas asambleas xurden propostas que trasladan directamente ao goberno local, como foi o caso destes campamentos. Entre os seus integrantes está Cayetana Guede (IES Val Miñor) e Carmen Vázquez (CEIP Humberto Juanes) quenes recolleron este ano o testemuño de Martín Rey como voceiras da infancia e da mocidade de Nigrán en toda Galicia, polo que representan ao Concello de Nigrán no Consello Autonómico de Infancia e Adolescencia (CAIA), un espazo de diálogo e consulta que depende da Xunta de Galicia.
Todo este traballo e outras iniciativas fixeron posible que o Concello de Nigrán fose recoñecido o ano pasado por Unicef como ‘Ciudad Amiga de la Infancia’, isto implica ter en conta dunha forma efectiva e medible as voces, necesidades e prioridades das crianzas a través das decisións políticas, como é este caso. “Desde o Concello de Nigrán estamos moi orgullosos de contar cunha mocidade comprometida e participativa que nos permite construír un municipio de verdade amigo da infancia. É a nosa obriga escoitar á infancia, eles non poden ser cidadáns de segunda polo feito de non votar”, reitera o alcalde, Juan González.
