A concellería de Igualdade abre o prazo o vindeiro luns 18 de novembro para inscribirse nos talleres de GRAFITTI e no taller de RAP contra a Violencia de Xénero.
Ambas as actividades desenvolveranse na pista de SKATE de Baiona o sábado 23 de novembro, e están dirixidas á mocidade a partir de 10 anos. En horario de mañá haberá dous talleres de grafiti: o primeiro desenvolverase de 10.30 a 12.00 horas e o segundo de 12.00 a 13.30 horas. O taller de RAP desenvolverase en horario de 17.30 a 19:00 horas.
Para participar en calquera das actividades é necesario inscribirse previamente, dado que as prazas son limitadas, enviando teléfono de contacto e datos persoais á dirección electrónica cim@baiona.gal ou inscribirse a través do número de teléfono 986357554.
Ambas as actividades correrán a cargo de Vella Escola Cultura Urbana e enmárcanse no programa Baiona Lila organizado pola concellería de Igualdade e cofinanciado pola liña dúas do Plan Más Provincia da Deputación de Pontevedra.
