Este mércores, día 11 de maio ás 19 h. esta prevista a inauguración do proxecto “Creación de Centro de día AFAMO (Tirán)” no concello de Moaña, financiado con fondos LEADER na anualidade 2021/22, promovido pola Asociación de Familiares de Enfermos de Alzhéimer da comarca do Morrazo.
Este novo centro de AFAMO situado na parroquia de Tirán, disporá de 26 prazas, e estará orientado ás persoas maiores de 65 anos, cun deterioro cognitivo moi leve ou sen unha demencia diagnosticada da comarca do Morrazo.
Ao acto asistiran entre outros o Subdirector da Axencia Galega de Desenvolvemento Rural, Moisés Blanco Paradelo, o presidente do GDR Pontevedra Morrazo e alcalde de Pontevedra Miguel Anxo Fernández Lores e a Alcaldesa de Moaña Leticia Leticia Santos Paz.(xunto remitimos programa previsto)
O obxectivo do proxecto é, ofrecer servizos de atención e asistencia diúrna a persoas maiores con necesidades de coidados; en especial, os servizos básicos de manutención, coidado persoal, aseo e hixiene, control e mantemento da saúde, asistencia nas actividades básicas da vida diaria (ABVD); ademais dos servizos terapéuticos (programa de intervención terapéutica á persoa usuaria, programa de asesoramento ás familias, programa de apoio psicolóxico e programa de formación) e os servizos complementarios (catering, transporte, etc.). A asociación, conta ademais na zona do Rosal de Moaña, con outro centro de día complementario, destinado a persoas con alzhéimer.
O proxecto, supuxo un investimento de 146.148 € e contou cunha axuda pública de 100.476,92 € (68,75 %) de fondos Leader, xestionados a través do GDR Pontevedra Morrazo e cofinanciados polo FEADER (75%), AGADER (22,5%) e polo Ministerio de Agricultura, Pesca e Alimentación (2,5%).
A Asociación de familiares de persoas con Alzhéimer e outras demencias do Morrazo (AFAMO) é unha entidade sen ánimo de lucro que nace con data 14/09/2000. Entre os seus fins figura contribuír ó benestar das persoas afectadas de alzhéimer e outras demencias e das súas familias, así como ó colectivo de persoas maiores. Está inscrita como Entidade prestadora de Servizos Sociais con data 23/06/2001, e é Declarada de Utilidade Pública con data 18/06/2007.