Aplastaron e romperon cunha pedra de gran tamaño a billa por onde sae a auga para uso da veciñanza.
O alcalde do Concello de Portas, Ricardo Martínez, manifestou o seu enfado e preocupación polos actos vandálicos realizados contra unha fonte pública en Romai que causaron serios desperfectos na billa por onde sae a auga de uso da veciñanza.
A fonte de Romai recibiu serios desperfectos na súa billa, presuntamente, realizados cunha pedra de grandes dimensións que apareceu ao seu carón. O autor ou autores do ataque vandálico tomáronno coa billa que foi sometido a un aplastamento e tamén presenta buracos por acción percutora da pedra.
Ricardo Martínez recollendo a indignación da veciñanza, sinalou que este acto vandálico está posto en coñecemento dos corpos e forzas de seguridade do estado, un atentado contra o patrimonio público coa intención de que se fagan as averiguacións necesarias para identificar ao autor ou autores deste feito para esixirlles responsabilidades.
O ALCALDE VE CON PREOCUPACIÓN ESTES ACTOS VANDÁLICOS
Martínez sinalou que “vemos con preocupación este tipo de actos vandálicos contra o patrimonio de todos e todas as veciñas feitos dun xeito irracional e so polo mero feito de provocar dano en elementos que pertencen ao común da veciñanza e que, ademais dos desperfectos, causan un grave prexuizo económico porque hai que correxir e restaurar os danos que se producen nestes elementos de carácter público”, indicou o alcalde de Portas.
