O concelleiro do Partido Popular de Pontevedra e responsable da área deportiva, Guille Juncal, defendeu a creación dunha mesa de avaliación que optimice a repartición, que na actualidade realízase sen “ningún criterio obxectivo”
O concelleiro do Partido Popular de Pontevedra e responsable da área deportiva da formación política, Guille Juncal, propuxo este martes a aprobación dunhas bases reguladoras para a asignación de instalacións deportivas municipais para adestramentos e actividade física. Na cidade, “un gran número de entidades deportivas non dispoñen de instalacións propias e a asignación por parte do Concello carece de regulación que garanta unha repartición equitativa, xusto e transparente, afastado de criterios políticos, do uso das instalacións deportivas municipais”.
A proposta, en forma de moción, tamén vai acompañada cun documento de traballo no que xa se perfilan algúns criterios que para o concelleiro débense ter en conta: “Ao día seguinte da súa aprobación os grupos políticos, o servizo de Deportes e o tecido deportivo sentarémonos a traballar para aprobar o regulamento”. Nesta liña, Juncal achegou diferentes criterios de repartición, que están a ser utilizados noutras cidades galegas: “Darase prioridade ao deporte basee e ás escolas municipais, así como criterios ponderables que son iguais en todos os clubs, como, por exemplo, o número de licenzas, a masa social do club, ou a categoría ou o nivel competitivo do propio club”.
“Debemos dotar de maior transparencia e obxectividade a asignación do uso das 18 instalacións municipais, que, pola súa condición, pertencen a todos os pontevedreses. Presentamos unha proposta aberta a achegas e ao diálogo”, recalcou o popular.
“A intención é conseguir no Pleno o compromiso do Goberno local de democratizar e regular de forma transparente e obxectiva o uso das instalacións deportivas municipais. E queremos, desde ese compromiso, traballar conxuntamente para elaborar o mellor e máis beneficioso regulamento. Estamos abertos a modificacións, a ideas… Só temos unha liña vermella e é respectar uns criterios absolutamente técnicos”, argumentou Juncal.
“Creo que non existe nin un só motivo para non atender esta proposta, xa que non existe nin un só motivo para non aprobar unha ferramenta que de seguridade xurídica aos clubs e que democratice o acceso ás instalacións deportivas municipais”, rematou o responsable de deportes dos populares de Pontevedra.
