Xoán Reices: “resulta irónico que nomeen a López conselleiro de cultura, lingua e xuventude, a quen ten mantivo nunha silveira a Torre de Guimarei, nada fixo polo noso idioma ao longo dos seus mandatos e a quen ten pechada a OMIX, toda unha declaración de intención de cal vai ser o traballo do xa ex-alcalde á fronte da consellaría”
Ante o salto do alcalde á política autonómica ao ser nomeado conselleiro de… Xoán Reices afirma que “as ambicións persoais de López son lexítimas, mais hai un ano comprometeuse cos veciños e veciñas que o votaron para ser o alcalde da Estrada para 4 anos máis. Sen embargo, o candidato que pedía un 4×4 para este mandato, salta en marcha eludindo as súas responsabilidades e o seu compromiso como candidato e como alcalde electo”.
O concelleiro do BNG explicou que “non agardamos nada de quen xa demostrou ser un pésimo xestor, que acaba de subirlle o IBI aos veciños e veciñas, porque non lle cadran as contas e por deixar un concello en peor situación que cando chegou á alcaldía”. “Neste sentido, resulta irónico que nomeen a López conselleiro de cultura, lingua e xuventude, a quen mantivo nunha silveira a Torre de Guimarei, nada fixo polo noso idioma ao longo dos seus mandatos e a quen ten pechada a OMIX; toda unha declaración de intencións de cal vai ser o traballo do xa ex-alcalde á fronte da consellaría”, afirma Reices e engade que “López foi un pésimo alcalde e será un pésimo conselleiro”.
