O alcalde de Pontevedra, Miguel Anxo Fernández Lores participou esta mañá na apertura do curso universitario na Escola superior técnica de arquitectura da Coruña, xunto a estudo Irisarri-Piñera que impartiu a Lección maxistral.
Fernández Lores ofreceu unha conferencia sobre o modelo de cidade e tamén sobre o Placemaking week Europe que estará en Pontevedra do 27 ao 30 de setembro.
Á súa chegada á escola, o alcalde interesouse polos proxectos de mestrado de fin de carreira, que nesta ocasión terán a Pontevedra como obxecto de estudo. Acompañado dos responsables dos proxectos, coñeceu os traballos dos alumnos e alumnas que o vindeiro mércores, 21 de setembro, visitarán a cidade para coñecer de primeira man a cidade sobre a que están a centrar o seu traballo de fin de carreira.