test
Home Deputacións Deputación Pontevedra Luis López adianta ao alcalde de Ponte Caldelas unha achega de máis...

Luis López adianta ao alcalde de Ponte Caldelas unha achega de máis de 200.000 € da Deputación para renovar o céspede artificial do campo de fútbol danado pola riada

- Anuncio -

O presidente provincial mantén unha reunión de traballo co rexedor Andrés Díaz, na que lle informou dun apoio valorado en máis de 700.000 euros a través de programas como o +Provincia ou o Plan Extraordinario de Infraestruturas Deportivas

O presidente da Deputación de Pontevedra, Luis López, avanzou ao alcalde de Ponte Caldelas, Andrés Díaz, a aprobación na Xunta de goberno do ente provincial deste martes dunha subvención de 158.200 euros ao abeiro do programa +Provincia, que se complementa con outra axuda de 47.800 euros correspondente ao Plan Extraordinario de Infraestruturas Deportivas, para a renovación do céspede artificial do campo de fútbol de Chan da Barcia, estragado por unha riada no pasado inverno. Nun encontro de traballo que tivo lugar este luns no despacho presidencial do Pazo Provincial, López e Díaz repasaron outros investimentos previstos pola Deputación neste Concello e abordaron asuntos de interese mutuo para as dúas administracións.

Ademais, o titular do executivo provincial informou ao rexedor dos fondos que lle corresponde ao Concello de Ponte Caldelas do programa +Provincia, que ascenden a 649.000 euros, 45.400 máis do recibido o ano anterior, o que supón un incremento do 7,5 %. Unha parte destes recursos, 124.500 euros, as destinará o goberno local á contratación de 21 persoas ao abeiro da Liña 3 de fomento do emprego do + Provincia. No tocante á Liña 1 de investimentos, Ponte Caldelas dispón dun Orzamento de 454.000 euros que destinará, ademais da renovación do céspede do campo de fútbol, a outros proxectos para os que solicitou financiación á Deputación como a mellora de oito camiños e rúas municipais (241.625 €), o ensanche do camiño de Taboadelo (61.210 €), ou a mellora da drenaxe e do firme do camiño de Regodobargo (9.100 €). Así mesmo, o Concello percibirá pola Liña 2 de apoio ao gasto corrente un total de 53.800 euros e, pola Liña 4 de redacción de proxectos transformadores, ten asignado 16.200 euros.

Os recursos provinciais que lle corresponden ao Concello de Ponte Caldelas do Plan Extraordinario de Infraestruturas Deportivas ascenden a 47.800 euros que se destinarán tamén ao proxecto de renovación do céspede artificial do campo de fútbol Chan da Barcia, orzamentado nun total de 306.000 euros que achega na súa maioría a Deputación. Os 100.000 euros restantes proceden dun seguro municipal para facer fronte a inundacións. “O Concello de Ponte Caldelas acumulou estas dúas axudas para renovar o campo de fútbol que, lembramos todos, foi afectado polas riadas que houbo no seu momento”, explicou Luis López.

A reunión, que se encadra dentro da aposta do goberno de Luis López de tender pontes con todos os concellos da provincia, serviu tamén para repasar outros proxectos de futuro do Concello ou outros que xa están en marcha como a reordenación da praza Frei Antonio Jorge que, a través do programa ReacPon, o organismo provincial achega 420.000 euros dos 494.000 euros nos que está valorada a obra.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas