Home Pontevedra Caldas Luis López pide o voto para Iván Caamaño, “que xa exerceu como...

Luis López pide o voto para Iván Caamaño, “que xa exerceu como o auténtico alcalde de Catoira” durante este mandato

- Anuncio -

• Iván Caamaño sinala que o 28 de maio os veciños terán a posibilidade de escoller “entre unha persoa moza, con proxecto e que demostrou que sabe gobernar, ou entre os dous de sempre, que levan 36 anos coa mesma retórica”.

O presidente provincial do PP de Pontevedra, Luis López, pediu esta tarde o voto útil para Iván Caamaño e o seu equipo porque son “a referencia política e a esperanza dos veciños de Catoira”. Así, dixo que fronte a proxectos “esgotados ou sectarios”, Iván e o PP representan “o futuro, o traballo, as ideas, a consecución de máis investimentos, o progreso e a atención aos veciños. Catoira necesita un cambio de marcha, Catoira precisa que a revolución tranquila, con cabeza e sentidiño que representa Iván, tome as rendas do concello e se poña a traballar a outro ritmo”.

Foi durante a celebración dun mitin, no que tamén participou a responsable de Infraestruturas e Mobilidade do Goberno galego, Ethel Vázquez. López recordou que durante este mandato, “Iván xa exerceu como o auténtico alcalde, conseguindo investimentos millonarios para Catoira e atendendo un por un a todos os veciños”. Nesta liña, destacou “a súa intelixencia, a súa capacidade de traballo, a súa vontade e as súas gañas e ilusión por defender e mellorar a vida dos veciños de Catoira”.

Nesta mesma liña incidiu o candidato, que dixo que o 28 de maio os veciños terán a posibilidade de escoller “entre unha persoa moza, con proxecto e que demostrou que sabe gobernar, ou entre os dous de sempre, que levan 36 anos coa mesma retórica”. Así, critica o desgaste de PSOE e BNG que, despois de todo este tempo, “foron incapaces de facer unha lista que cumpra as condicións mínimas para gobernar”.

Caamaño puxo en valor o feito estes catro anos, “no que levamos adiante investimentos e proxectos por valor de máis de 5M€, demostrando que somos capaces de gobernar”. Un aval que, engadiu, está seguro de que os veciños van valoralo para elixir, de forma maioritaria, ao equipo de Iván Caamaño para gobernar os vindeiros 4 anos. “Representamos á maioría dos catoirense. Somos un partido unido, comprometido, que atende e entende a todos os veciños por igual, independentemente de a quen voten, fronte á radicalidade doutros partidos en Catoira”.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A Oficina de Turismo de Redondela e o Meirande abren as súas portas

0
Redondela comeza oficialmente a temporada turística coa apertura da súa Oficina de Información, na rúa Isidoro Queimaliños, e do centro de interpretación da Batalla...

O concello de Nigrán entra no Grupo Asesor de Unicef-España a través de Cayetana...

0
Estes dous representantes do Consello Escolar Municipal foron seleccionados xunto a outros 3 de Galicia (Moaña, Ponteareas e Teo) para formar parte do grupo...

A terceira edición da Feira do Libro de Soutomaior chega pisando forte con 3...

0
Este ano, por primeira vez, esta cita tamén se vaia a celebrar na parroquia de Soutomaior. Deste xeito o 23 de abril centrará o...

Publicacións Relacionadas