Home Deputacións Deputación Pontevedra Luis López remarca a importancia da xestión dos residuos cun investimento de...

Luis López remarca a importancia da xestión dos residuos cun investimento de 450.000 euros en Ribadumia para implantar o contedor marrón

- Anuncio -

O presidente do goberno provincial realizou a súa primeira visita institucional a este Concello para asinar un convenio enmarcado no programa PON2030 co alcalde David Castro

O presidente da Deputación de Pontevedra, Luis López, visitou este luns o Concello de Ribadumia para asinar co alcalde David José Castro convenio de colaboración enmarcado no Programa Provincial de Infraestruturas e Dotacións Singulares para a Execución da Axenda 2030 (PON2030) a través do cal o goberno provincial financiará con máis 200.000 euros, o 44 % do orzamento, o proxecto para a recollida de residuos sólidos urbanos neste municipio. O Concello, pola súa banda, achega o 56 % restante, uns 250.000 euros. “É un convenio moi importante para Ribadumia e para marcar un camiño que deben seguir os concellos. Temos retos que afrontar desde o punto de vista do medio ambiente, como é a implantación do contedor marrón e Ribadumia vai na cabeceira”, declarou o mandatario provincial despois de asinar o acordo para remarcar a importancia que o goberno da Deputación lle dá á xestión dos residuos.

O proxecto, valorado en máis de 450.000 euros, consiste na dotación para o Concello de Ribadumia de dous camións para a recollida de residuos, un con recolector de carga traseira e outro con equipo recolectos satélite que se encargarán da recollida da fracción do contedor verde e do contedor marrón. De xeito paralelo, o plan inclúe tamén a instalación de contedores para restos orgánicos (contedor marrón) para o casco urbano de Ribadumia, así como a posta en marcha dunha experiencia piloto con colectores para plástico e cartón individuais nas parroquias de Barrantes e Sisán. Con este convenio, o Concello adquirirá taén un equipo para a limpeza dos contedores.

Segundo recolle o convenio, o proxecto deberá estar implantado antes do 30 de abril de 2025. A sinatura deste protocolo entre Deputación e Concello de Baiona realízase coa modificación das bases do programa PON2030 xa en vigor. Unha modificación que fai compatible a achega da Deputación coas subvencións doutras administracións sen que o montante concedido ao Concello polo goberno provincial se vexa reducido.

A deste luns foi a primeira visita institucional de Luis López a Ribadumia como presidente da Deputación, unha visita que aproveitou para reiterar o compromiso da Deputación coa cooperación cos concellos facendo unha mención especial á liña do programa PON2030 centrada na xestión dos residuos, pola que apostou o Concello de Ribadumia. “Para que a provincia vaia a máis, este lugar fenomenal do Salnés ten moito que dicir”, rematou o presidente.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas