Home A Paradanta A Cañiza Luis López salienta que o +Provincia mobiliza esta semana 1,5 millóns de...

Luis López salienta que o +Provincia mobiliza esta semana 1,5 millóns de € para impulsar investimentos, afrontar gasto corrente e contratar a 8 persoas en nove concellos

- Anuncio -

Os novos recursos beneficiarán aos concellos da Cañiza, Cangas, Marín, Pontecesures, Redondela, Ribadumia, Vilagarcía e Vilanova de Arousa

A Deputación acaba de aprobar en Xunta de Goberno destinar 1,5 millóns de euros para que nove concellos da provincia impulsen novos investimentos, afronten gasto corrente e contraten a 8 persoas ao abeiro das tres primeiras liñas do Plan +Provincia. En concreto, benefícianse destes recursos A Cañiza, Cangas, Marín, Pontecesures, Redondela, Ribadumia, Vilagarcía e Vilanova de Arousa. O presidente provincial, Luis López, asegurou que o goberno provincial segue “tendendo pontes cos concellos e avanzando no reparto de fondos do Plan +Provincia: este ano xa aprobamos preto de 18 M € para os concellos da provincia de menos de 50.000 habitantes”.

No marco da liña 1, de investimentos, a Xunta de Goberno aprobou preto de 1,26 millóns de euros para seis concellos: A Cañiza, Marín, Pontecesures, Redondela e Vilagarcía de Arousa. Desta maneira, A Cañiza contará con 77.081 € para realizar obras de acondicionamento de ximnasio no interior do pavillón de deportes e Redondela 315.553 € para a fase 2 da construción da senda verde na antiga vía férrea. Ademais, Vilagarcía disporá de 310.000 € para investir en dous proxectos: por unha banda, 214.220 € para a mellora de acceso ao Piñeiro pola rúa Wenceselao Fernández Flórez, e, pola outra, 95.787 € para a ampliación da rede de saneamento e de abastecemento nun tramo do Camiño da Regueira en Fontecarmoa.

No caso de Marín e Pontecesures as obras serán financiadas ao 100% pola Deputación grazas a outros mecanismos provinciais de financiación. Desta maneira, o investimento en Marín será de preto de 1,2 millóns de euros para a mellora da mobilidade peonil na EP-1203 O Campo-Pardavila (365.000 € do Plan +Provincia, e 835.000 € comprometidos a través dun convenio de infraestruturas) e en Pontecesures de 350.000 € para o acondicionamento da contorna da estación de tren (case 120.000 € do Plan +Provincia e o importe restante, 230.000 € do PON2030).

No caso da liña 2, de gasto corrente, o presidente provincial informou que a Xunta de Goberno da Deputación acaba de aprobar 160.000 euros para os concellos de Cangas e Vilanova de Arousa. En concreto, Cangas recibe 90.000 € para as Festas do Cristo 2024 e Vilanova de Arousa 71.782 € para a Festa do Momo (21.371 €), Sonatas de verán (21.371 €) e para a promoción de actos culturais do Concello (296.040 €).

Por último, ao abeiro da liña 3, de activación de emprego, a institución provincial aproba esta semana 117.774 euros para que Ribadumia contrate a oito traballadores. En concreto, serán tres peóns de obras públicas, dous mozos de recollida do lixo, un oficial albanel, un monitor de ocio e tempo libre e un técnico de urbanismo.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas