• Paula Prado: “é sen dúbida a mellor opción para que Forcarei teña un goberno que goberne para todos, dea estabilidade e garanta solucións aos problemas da cidadanía”.
• Belén Cachafeiro pide un último esforzo para evitar que un puñado de votos prive a Forcarei dun proxecto de futuro.
O PP pide unha maioría absoluta para garantizar que Belén Cachafeiro volva a ser a alcaldesa de Forcarei e deter o freazo que sufriría este concello se padece outros catro anos longos e insufribles dun pacto de perdedores. “Necesitamos a maioría absoluta. Non nos vale a vitoria e quedar a un chisco de votos como hai catro anos, porque nese caso repetirase a película e os perdedores xuntaranse nun pacto no que o gran derrotado seredes vós, o pobo de Forcarei. Todos vós sodes imprescindibles”, sinalou o presidente provincial, Luis López, durante un mitin esta tarde en Soutelo, no que tamén participou a secretaria xeral do PPdeG, Paula Prado.
López dixo que “fronte a unha alcaldesa que vive en Pontevedra e á que Forcarei non lle importa nin o máis mínimo, porque o único que quere é un posto no seu partido”, o PP ofrece “un proxecto serio, rigoroso e renovado, con Belén ao fronte. Unha muller que é deputada e que quere deixar de selo, porque quere ser a alcaldesa de Forcarei”.
Durante a súa intervención, o líder provincial asegurou que, malia a que a alcaldesa prefire renunciar a axudas do Goberno galego para logo acusalo de non investir en Forcarei, o maior investimento ao longo deste mandato é o que está facendo a Xunta destinando 800.000 euros para mellorar os colexios de Forcarei e Soutelo de Montes. “Esta obra, por suposto non foi pedida pola alcaldesa, que xa vos dixen que goberna de costas á Xunta. Esta obra foi pedida e pelexada por Belén, de xeito incansable, polo que, como vedes, fai máis Belén dende a oposición que a alcaldesa dende o goberno”.
A secretaria xeral do PPdeG, Paula Prado, sinalou que “a miña compañeira no Parlamento, Belén Cachafeiro, é sen dúbida a mellor opción para que Forcarei teña un goberno que goberne para todos, dea estabilidade e garanta solucións aos problemas da cidadanía”.
“Belén amosa cada día a súa entrega e compromiso inequívoco con esta terra, que antepón sempre por riba de todo, e pola que non deixa de traballar arreo, cunha vocación de servizo público e unha experiencia de xestión que fan que ela sexa a mellor candidata e, sen dúbida, a mellor alcaldesa que precisan os veciños e veciñas de Forcarei”, indicou Paula Prado.
Por último, Belén pediu un último esforzo para converter en votos a ilusión e as gañas de cambio e evitar que un puñado de papeletas priven a Forcarei dun Goberno estable e cun proxecto de futuro. “Preséntome con leccións aprendidas, con ilusión, con ganas e con toda a forza necesaria para cumprir con todos os nosos compromisos”, sinalou, e pediu o apio e a confianza dos veciños “para transformar Forcarei e devolverlle a transparencia, o bo facer e a unidade. Quero mellorar cada pobo, que cada un deles sexa o mellor lugar para vivir”.
