• “José Enrique xa demostrou nas últimas décadas que é o mellor alcalde que pode ter Cangas. O PP aposta por un proxecto de seriedade, rigor e unidade, que funcionará desde o primeiro día sen ter que pactar postos e soldos e que se dedicará exclusivamente aos veciños”, subliña.
• Pon en valor o proxecto de Javier Carro, “un proxecto gañador, integrador, inclusivo e que actualmente xa representa á inmensa maioría social dos moañeses”.
O presidente do Partido Popular de Pontevedra, Luis López, achegouse esta mañá ao Morrazo para percorrer as rúas do centro, xunto aos candidatos ás alcaldías de Cangas, José Enrique Sotelo, e de Moaña, Javier Carro, e dar a coñecer os proxectos serios e rigorosos que o PP presenta adaptado ás necesidades de cada un destes concellos, pedir a confianza e deixar claro que o único pacto dos populares é cos veciños.
En Cangas, López sinalou que “José Enrique e o PP foron claramente a forza máis votada hai catro anos, case duplicando ao partido ACE, que é quen ostenta a alcaldía, e que demostra os efectos perversos dun sistema que permite que un partido que non chega ao 17% dos votos decida o destino dos cangueses. E quero insistir nisto porque estas coalicións, estes pactos estraños de perdedores, só responden a intereses diversos e estanse a demostrar nefastas para os cidadáns cun funcionamento pésimo. Vémolo no Goberno de España, con elas constantes, búsqueda de protagonismos innecesarios e unhas leis mal feitas, e tamén vémolo en Cangas, un concello con moito potencial que está a deixar pasar as oportunidades e pódese dicir claramente que perdeu por completo este mandato”.
Por iso, dixo que fronte a isto “queremos ter a confianza dos cangueses porque José Enrique xa demostrou nas últimas décadas que é o mellor alcalde que pode ter Cangas, e porque o PP aposta por un proxecto de seriedade, rigor e unidade, que funcionará desde o primeiro día sen ter que pactar postos e soldos e que se dedicará exclusivamente aos veciños”. Ademais, puxo en valor o traballo feito estes catro anos polo PP na oposición, “que vai recibir a confianza maioritaria dos veciños porque estas coalicións non poden continuar desgobernando os concellos”.
A segunda parada da mañá foi en Moaña, onde se reuniu con Javier Carro e membros da candidatura. Luis López puxo en valor “o proxecto gañador, integrador, inclusivo e que actualmente xa representa á inmensa maioría social dos moañeses, especialmente coa reunificación de todo o espectro de centro-dereita, algo que quero destacar e sobre o que quero agradecer a xenerosidade de toda a xente implicada para facer máis grande o Partido Popular de Moaña”.
Lamentou que este concello “sufre un goberno nacionalista que está adicado todo o tempo e en exclusiva a fomentar o enfrontamento en absolutamente todos os asuntos e, fronte a este modelo, o PP ofrece a alternativa clara e real de goberno. Javier e o seu equipo representan o cambio, que permitirá que Moaña sexa noticia por novas infraestruturas, máis investimentos, mellora de servizos públicos e dotacións de equipamentos”.
