En caso de que algún particular queira alegar por algunha afección nalgunha das súas fincas, conta con asesoramento técnico e axuda para presentar a correspondente alegación por parte da administración local
Concello de Mos e Plataforma de Afectados da Estrada Nacional 550 en Louredo ofreceron onte á veciñanza da parroquia unha reunión informativa e de asesoramento técnico sobre a aprobación provisional por parte de Fomento do proxecto para a intersección da N-550 en O Tablado.
Fíxose unha exposición técnica do proxecto e ofereceuse axuda e asesoramento nas alegacións, en caso de que algún veciño/a estea interesado en presentar algunha. En principio o consenso co proxecto é unánime tanto por parte da administración local como da veciñanza de Louredo. Sen embargo, se algún dos particulares quixese alegar por algunha afección nalgunha das súas fincas, o Concello informarao, asesorarao e axudaralle no procedemento de tramitación e presentación da correspondente alegación.
A aprobación provisional por parte de Fomento do proxecto de intersección na N-550 ao seu paso por Louredo, foi publicada o pasado día 31 de agosto, no BOE (Boletín Oficial do Estado), e na mesma data foi tamén recibido o documento no Concello.
O obxectivo das obras de intersección no cruce de O Tablado na Estrada Nacional 550 ao seu paso pola parroquia de Louredo, é trasladar a intersección actual uns 270 m cara ao sur, para mellorar as condicións de visibilidade e seguridade viaria.
Na xuntanza celebrada na mañá de onte, domingo 17 de setembro, no local social de A Cividade estiveron presentes a alcaldesa de Mos, Nidia Arévalo, e os seus concelleiros de Urbanismo, José Ramilo, Obra Pública, Camilo Grandal, e o edil da parroquia de Louredo, Baldomero Lorenzo.
e concelleiras abordaron esta mañá en sesión ordinaria da Xunta de Goberno Local a recente aprobación provisional por parte do Ministerio de Fomento do proxecto de remodelación da intersección na N-550 ao seu paso por Louredo, que foi publicado onte, día 31 de agosto, no BOE (Boletín Oficial do Estado), e tamén recibido o documento no Concello.
As obras de intersección no cruce de O Tablado na Estrada Nacional 550 ao seu paso pola parroquia de Louredo teñen un orzamento estimado base de licitación de 582.432 euros (IVE incluído).
O Ministerio de Transportes, Mobilidade e Axenda Urbana (Mitma) aprobou provisionalmente o proxecto de trazado da remodelación da intersección da estrada N-550, ao seu paso por Louredo, no municipio de Mos. Agora atópase no trámite de información pública, tras a publicación onte do anuncio no Boletín Oficial do Estado (BOE).
O obxecto do proxecto é a mellora da seguridade viaria da intersección non canalizada existente no p.k. (punto quilométrico) 148+650 da N-550, ao seu paso por Louredo, que conecta con núcleos existentes na marxe esquerda a través dun vial municipal. A actuación proxectada executará unha variante do vial secundario e disporá unha nova intersección con cuñas de incorporación e saída, carrís centrais de almacenamento e espera e posibilidade de cambio de sentido. A solución para o cruce de O Tablado era unha das demandas históricas comprometidos por Fomento en Mos e que levaban anos pendentes.
