Home O Morrazo Marín Marín mantén conxelados os impostos por undécimo ano consecutivo e proxecta inversións...

Marín mantén conxelados os impostos por undécimo ano consecutivo e proxecta inversións de cerca de 2 millóns de euros

- Anuncio -

O concelleiro de Facenda, Manuel Santos, presentou en comisión extraordinaria a documentación do orzamento, que é continuista e recolle todas as necesidades xurdidas en torno á pandemia.

O remanente de Tesourería permitirá investir máis de 1.200.000 euros en proxectos potentes para a vila. A maiores, súmanse 800.000 euros que se destinarán ao proxecto do Auditorio.

Un orzamento continuista, coa perspectiva posta na inversión e que preserva a boa saúde fiscal do Concello, mantendo conxelados os impostos e as taxas municipais por undécimo ano consecutivo.

Ese é o resumo do orzamento deste ano que o concelleiro de Facenda e tenente alcalde, Manuel Santos, presentou esta mañá ás 12.00 horas nunha Comisión Extraordinaria de Facenda, na que compartiu co resto de grupos da Corporación a documentación administrativa relativa á aprobación da conta municipal.

O montante total da mesma será de 13.529.069,20 euros, 75.000 euros máis que o orzamento do pasado exercicio, e que supón unha aposta clara por continuar “coa inversión pública que facemos desde o Goberno local, centrada en eliminar todos os gastos superfluos e centrándonos nas necesidades máis relevantes da nosa veciñanza”. “O obxectivo no que levamos traballando todos estes meses é precisamente axustar os nosos gastos ao límite”, incidiu o concelleiro.

Este traballo tivo este ano, ademais, un novo ingrediente a ter en conta: a pandemia. “Levamos 11 anos mantendo conxeladas todas as taxas e impostos que repercuten na veciñanza e este ano aínda temos un argumento máis para manternos nesa liña, dadas as dificultades económicas ante as que nos atopamos por mor da situación sanitaria”, declarou o concelleiro.

Pero é que, ademais, a propia xestión municipal da pandemia levou a que o Goberno local activase unha serie de bonificacións coas que axudar non só de xeito particular aos veciños e veciñas, senón de maneira máis intensa aos actores da economía local que máis afectados están, como é a hostalaría, que está exenta do pago das terrazas e veladores desde o 2020 e durante todo o ano presente, entre outras bonificacións.

Segundo detallou o concelleiro, en canto aos ingresos aproximadamente o 51% provén tanto das taxas e impostos directos e indirectos do Concello, sendo o restante 49% correspondente ao ingresos da participación nos Tributos do Estado e da Xunta.

Con respecto aos gastos, o capítulo de Persoal supón ao 43,52% do Orzamento, e o gasto corrente ascende ao 52,77%. “Neste punto, aumentamos aquelas partidas que se viron afectadas pola pandemia, especialmente as relativas a Servizos Sociais e á limpeza nos centros educativos”.

Pero a maiores tamén se reflicten todas as accións de mellora que se levan a cabo ao longo do ano para prestar servizos públicos de calidade: “Mantemos as nosas praias, o noso rural, coidamos de xeito especial os nosos parques e xardíns. Apostamos polo medio ambiente e, por suposto, de novo apoiamos ás actividades culturais e deportivas, aínda que este ano teñan a súa situación máis limitada dada a Covid19”.

Case 2 millóns máis de inversión prevista

A boa saúde fiscal municipal permitiu congregar un remanente de Tesourería de 4 millóns de euros, que agora será utilizado para levar a cabo 6 grandes proxectos esenciais.

A humanización da Praza de Ponteporto, a reforma da Casa do Mar para convertela nun Centro de Día, a posta en marcha da rede de abastecemento de Bexe, a demolición do antigo Mercado de Cantodarea e a adaptación do Liceo Casino para convertelo nun Centro de Ocio Xuvenil son as actuacións que aglutinarán 1.215.000 euros de inxección económica.

A esta importante forza inversora, súmanse os aproximadamente 800.000 euros que se investirán para a construción do Auditorio de Marín. Os 4 millóns de euros totais desta actuación proceden do proxecto Marín Dusi (2 millóns), cofinanciado co Fondo Europeo de Desenvolvemento Rexional da Unión Europea, e da Xunta de Galicia (2 millóns).

“En definitiva”, concluíu Santos, “temos un orzamento axustado á realidade do noso Concello, cumprindo co obxectivo de estabilidade orzamentaria e coa regra de teito de gasto e sumando unas inversión potentes que podemos realizar grazas ao noso remanente”.

Relacionadas

Redondela mantén a punto os areais no comezo da primavera

0
Nas semanas previas á chegada da primavera e a Semana Santa o departamento de Medio Ambiente do Concello de Redondela deixou en estado de...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Publicacións Relacionadas