É preciso inscribirse no Museo Manuel Torres, chamando ao 986891186.
- Hai un máximos e 60 prazas.
- Coñecer a nosa historia, o noso patrimonio, e facelo camiñando, desfrutando da paisaxe e a contorna natural que temos en Galicia, é un planazo. Así o entende o Concello de Marín, que recupera de novo celebración das Rutas Culturais a partir deste mes.
- A concelleira de Cultura, Beatriz Rodríguez, presentou o programa deste ano, consistente en catro rutas, dúas para visitar centros museísticos fóra de Marín nos meses de marzo e abril, e outras 2 de andainas a celebrar en maio, dentro do noso termo municipal.
- Domingo 12 de marzo. Museo do Pobo Galego, en Santiago de Compostela.
Está situado no antigo convento de San Domingos de Bonaval. É un museo de carácter antropolóxico, pero tamén acolle salas de pintura, escultura e arte sacra. - As principais coleccións están relacionadas coa cultura popular, gardando valiosos fondos referentes ao mundo mariñeiro e agrario.
- Outras seccións son as de hábitat, arquitectura, oficios e imprenta, xunto aos espacios dedicados á sociedade. Igualmente posúe unha excelente colección do traxe e encaixe tradicionais, así como de instrumentos musicais.
- Ademais será posible visitar a igrexa de Bonaval (séculos XIII – XVI) e o Panteón de Galegos Ilustres, onde descansan os restos de personaxes claves na historia de Galicia, como Rosalía de Castro, Castelao, Alfredo Brañas ou Francisco Asorey.
- Saída de Marín ás 09:30 h.
- Regreso en torno ás 14:30 – 15:00 h.
- Autobús de 60 prazas, con saída e chegada á Praza de España.
- Domingo 16 de abril. Centro Arqueolóxico do Barbanza, Boiro.
- Desde o punto de vista museolóxico, abrangue dous ámbitos de actuación: por unha banda, a presentación e introdución do visitante nas diversas manifestacións culturais da prehistoria recente da península do Barbanza (megalitismo, arte rupestre, cultura castrexa) e, por outra, a difusión e posta en valor do patrimonio arqueolóxico dos castros de Neixón, tanto das ruínas arqueolóxicas como dunha parte representativa dos bens patrimoniais exhumados nas campañas de escavación levadas a cabo nos últimos anos neste xacemento arqueolóxico.
- Visitarase tanto o centro de interpretación como o xacemento arqueolóxico.
- Saída de Marín ás 09:30 h.
- Regreso en torno ás 14:30 – 15:00 h.
- Autobús de 60 prazas, , con saída e chegada á Praza de España.
- Domingo 14 de maio. Ruta dos petróglifos de Marín.
- Ruta con saída e chegada no Lago Castiñeiras, que se levará a cabo no monte común da parroquia de San Xulián, a que máis vestixios de arte rupestre ten no termo municipal.
- Domingo 21 de maio. Ruta das mámoas de Marín.
- Ruta con saída e chegada no Lago Castiñeiras, que se levará a cabo no monte común da parroquia de San Tomé de Piñeiro, a que máis mámoas ten no termo municipal.
