• Segundo Mireya, “ nótase que se achegan as eleccións, porque o BNG empeza a usar ás asociacións do municipio ao seu favor, con mentiras e tentando facerse os protagonistas do traballo do goberno”
O equipo de Xuntos está moi tranquilo ante as últimas declaracións de Alex Fiuza nos medios, onde afirma que os pais non estaban conforme cos horarios que se acordaron, algo inaudito segundo Mireya porque ela mesma acordou estes horarios cos pais e nais, tentando favorecer no posible a todos e a todas, como afirma Mireya o custo do servizo non vai ser maior por poñer unha hora ou outra, si terá un prezo un pouco maior os que elixiron o horario de 8:00 a 9:45, que por suposto está contemplado e hai nenos apuntados nese horario, polo que o goberno de Xuntos tomou a decisión en base ás peticións recibidas, é máis reta a Alex Fiuza a que presente un escrito coas firmas dos representantes do ANPA, que dea credibilidade a esas palabras, non entende Mireya que Fiuza non fale coas súas compañeiras do BNG beneficiada de este servizo, e sabe perfectamente que Alex mente no horario, e aínda así sabéndoo permítense sacar unha nota de prensa chea de mentiras, como afirma Mireya “falar é gratuíto” e aconsella ao representante do BNG “que se poña a traballar por todos os veciños e veciñas e que empece por deixar de votar en contra nos plenos ás infraestruturas que nos benefician a todos, só coa intención de paralizar os traballos”.
Mireya sabe que os veciños e veciñas de Vila de Cruces “que non son parvos” verán nas palabras do BNG as súas intencións e aproveita Mireya para lembrarlle a Fiuza que ata que gobernou Xuntos en Vila de Cruces non existía o Plan Concilia en Semana Santa, nin autobuses para os nenos no verán, nin sequera había actividades no mes de decembro acorde as necesidades, e por suposto creouse o plan Madruga que non existia, pero iso dá igual, o importante é rabuñar votos como sexa, a proba está en que se o goberno de Xuntos leva proxectos aos plenos Alex Fiuza no canto de apoialos e axudar, dedícase a votar en contra, sen ningún argumento razoable, como se pode comprobar nos vídeos.
Do único que están preocupados realmente este grupo político que ten á fronte a Alex Fiuza, é de conseguir a cadeira de brazos da alcaldía como xa se demostrou, é máis nos próximos plenos, todos poderán comprobar cales serán as votacións de Alex e os seus compañeiros aos investimentos que Xuntos vai propoñer, non teñen ningún reparo en aliarse co PP con total de amolar ao goberno, sen importarlles que iso deixen a parroquias sen investimentos, como xa fixeron nalgunha ocasión.
