Para participar na selección haberá que estar dado de alta na Oficina de Emprego de Caldas de Reis. O rexedor asegura que suporá “un alivio para as familias que máis o precisan e un compromiso que temos desde o Concello co fomento do emprego”.
O alcalde José Cela anunciou esta mañá que o Concello de Moraña, na súa liña de compromiso co emprego e a igualdade de oportunidades, contratará durante nove meses a nove persoas en modalidade de contrato de persoal temporal.
Estas contratacións servirán para cubrir os seguintes postos: 1 conductor, 1 conductor tractorista, 1oficial de primeira construción, 1 auxiliar de biblioteca, 1 peón transportista e 4 peones forestais. Os seleccionados iranse incorporando ao longo do mes de febreiro.
Cela lembra que para poder concurrir a esta selección de persoal “é imprescindible estar dado de alta como demandante de emprego na Oficina de Emprego de Caldas de Reis, polo que recomendo a todas as persoas que teñan interese en participar desta selección que vaian apuntarse, no caso de que aínda non estén”.
Para a contratación deste persoal, o Concello adicará 111.378 euros do Plan Concellos da Deputación e 47.000 euros de fondos propios municipais. Cela asegura que se trata “dunha moi boa oportunidade para ter unha experiencia laboral cerca da casa e que permita axudar a aqueles que máis o precisa”.
A estas 9 persoas que poderán traballar durante os próximos 9 meses, súmanse as 20 que son actualmente participantes do Obradoiro de Emprego que comparte a nosa vila con Valga, dentro das cales 10 son veciños e veciñas de Moraña. “Esta é outra gran iniciativa coa que fomentamos a formación e a experiencia para poder facilitar no futuro a todas estas persoas acadar un posto de traballo”.