O alcalde de Moraña, José Cela, recibirá o sábado ás 10.00 horas no Concello ao Fútbol
Club Galicia, o club de veteranos da cidade suiza de Berna, co motivo do encontro de
irmandade que organizou o noso Club de Fútbol de Moraña.
Este equipo está capitaneado polo veciño morañés Roi, que actualmente reside en Suiza.
Está previsto que a formación chegue en avión o día 18, para desputar o partido o 19 de
marzo no Buelo, ás 12.00 horas.
Antes, o alcalde recibirá aos xogadores no Salón de Plenos do Concello e darán un paseo
polo centro urbano de Moraña antes de ir ata o campo. Despois do partido, tamén haberá
unha comida de irmandade entre os dous conxuntos.
Entre os xogadores do F.C. Galicia, ademais de galegos, hai portugueses e dous italianos.
O alcalde asegurou que “aquí recibiremos esta irmandade cos brazos abertos e estamos
desexando poder ver un partido cheo de sentimento”. Cela quixo agradecer ao Moraña CF a
organización deste encontro e aproveitará o sábado para felicitar á plantilla pola súa
clasificación para a fase de ascenso a Preferente.