Home Deza Agolada O apalpador visitará seis concellos do Deza grazas ao programa da Deputación...

O apalpador visitará seis concellos do Deza grazas ao programa da Deputación “Nadal en Galego”

- Anuncio -

O carboeiro de barba vermella reunirase esta tarde coa deputada de Lingua María Ortega no Pazo Provincial para desexar unhas felices festas a toda da provincia

Este xoves estará en Dozón e o venres en Rodeiro, Lalín, Vila de Cruces e A Golada, deixando Silleda para o día 29

O Apalpador, a tradicional figura do Nadal na Galiza, visitará este ano seis concellos da comarca do Deza man da Deputación de Pontevedra grazas á octava edición do programa ‘Nadal en Galego’. Na maña de hoxe o personaxe tradicional estivo no centro infantil de Príncipe Felipe e pola tarde visitará o Pazo Provincial en Pontevedra, onde será recibido ás 19 horas pola deputada María Ortega, responsable do departamento de Lingua, e dende onde desexará unhas boas festas a toda a provincia.

Ademais de hoxe na cidade do Lérez, o Apalpador estará pasado mañá xoves 22 pola mañá en Dozón (17h), o venres 23 en Rodeiro (11h), Lalín (12.30h), Vila de Cruces (17h) e Agolada (19h), mentres que o día 29 de decembro ás 11h en Silleda. Os percorridos itinerantes do pasarrúas polos centros das vilas estarán marcados por cada un dos concellos.

Como cada ano, a dinamización da lingua, o respecto ao medio ambiente e os hábitos de alimentación saudable, entre outros, serán os valores que fomentará o Apalpador, xunto ao seu compañeiro acordeonista, Servando Barreiro, e o seu burro Río Lor, coas actuacións e os pasarrúas, levando a música, o baile e as anécdotas a todas as comarcas da provincia.

O programa ‘Nadal en Galego’ foi deseñado tamén para fomentar o coñecemento da tradición de Nadal propia da Galiza e para que as e os máis novos poidan familiarizarse co mítica figura galega e coñecer a súa historia. Na orixe, ‘O Apalpador’ representábase como un carboeiro de barba vermella que baixaba das montañas ás vilas para apalpar os bandullos das crianzas e comprobar se comeran suficiente durante o ano, deixando ao seu carón agasallos e castañas.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

Visita ás obras de sondaxe para a captación de augas subterráneas en Caldeliñas, promovidas...

0
O presidente do Inorde e deputado provincial de Turismo, Rosendo Fernández, visitou hoxe a evolución da actuación incluída no Plan de Sustentabilidade Turística en...

A Deputación e o Catastro únense para ofrecer aos concellos da provincia ferramentas virtuais...

0
O presidente provincial, Luis Menor, o director de Área de Transparencia e Goberno Aberto da Deputación, Marcos Valiño; e Javier García, delegado de Economía...

A Deputación impulsa o ciclismo de montaña coa IV “Xurés Bike Tour” que levará...

0
A proba, que reunirá a máis de 150 deportistas, celebrarase os días 15 e 16 de xuño en formato volta de dous días e...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

A Deputación inviste 48.000 euros na mellora dos firmes nos accesos a Barracel e...

0
O presidente provincial, Luis Menor, visitou hoxe Barracel, acompañado pola alcaldesa deste municipio, Asunción Morgade, para comprobar in situ o avance destas obras que...

Publicacións Relacionadas