“Por primeira vez Caldas incorporará criterios de xustiza social que facilitarán a conciliación para todas as familias caldenses” sinalou Manuel Fariña.
Os veciños e veciñas de Caldas terán prioridade no acceso á ludoteca municipal este verán en Caldas grazas ao acordo acadado polo BNG, que será refrendado nun pleno extraordinario urxente que se celebrará mañá mesmo no Concello de Caldas.
Do mesmo xeito, incorporanse criterios de xustiza social que establecen a gratuidade deste
servizo para as familias en risco de exclusión social do noso concello, así como un desconto do 50% sobre o prezo ordinario para as familias que perciben outros complementos sobre o Ingreso Mínimo Vital.
Deste xeito, garántese non só o propio desenvolvemento da Ludoteca de Verán senón que se facilita en gran medida a conciliación de todas as familias de Caldas que desexen empregar este servizo de conciliación durante os meses de xullo e agosto.
