Home Tabeirós Cerdedo - Cotobade O BNG chama a Jorge Cubela, ao PP e ao PSOE a...

O BNG chama a Jorge Cubela, ao PP e ao PSOE a se sumar á mobilización contra os parques eólicos de Porto Vidros e Campo das Rosas

- Anuncio -

Domingo 22 de maio ás 12 h. na praza do Concello de Cerdedo.

Dentro da campaña de información e mobilización social que está a levar a cabo o BNG contra os proxectos eólicos de Portos Vidros e Campo das Rosas, animamos ao sr alcalde Jorge Cubela e aos partidos políticos con representación municipal, PP e PSOE, a arroupar á veciñanza, ás plataformas existentes, ás comunidades de montes e ás entidades sociais convocadas a participar o vindeiro domingo 22 de maio ás 12 h. na mobilización que terá lugar na praza do Concello de Cerdedo contra “o abuso das grandes enerxéticas sobre a veciñanza e o territorio municipal en clara conivencia co goberno da Xunta sostido polo PP”.

Ernesto Filgueira anima ao sr Cubela a se manifestar de xeito firme contra a fragmentación dos parques eólicos Campo das Rosas e Porto Vidros e actuar diante da administración que dirixe o seu propio partido político, o PP, para porlle fin á tramitación dos parques e, ademáis, ínstao a abandoar o doble discurso mantido nas últimas semanas no que “agasalla con palabras de parte á Xunta e á empresa Naturgy por un lado namentras xoga ao despiste coa veciñanza máis afectada”.

Filgueira ao sr Cubela: “a todos non se pode contentar, ou apoia á veciñanza ou defende os intereses das enerxéticas e por ende as portas xiratorias do PP. No BNG non hai dúbidas: defensa clara da veciñanza, das augas e dos nosos montes”.

Filgueira denunciou que os dous parques, “que teñen unha afectación brutal no territorio, cos muíños pegados a vivendas e coa afectación ás augas, comparten infraestruturas e son, na práctica, un único proxecto industrial”. A única razón para que se tramiten de forma fragmentada é para esquivar os estudos de impacto ambiental.

Nun espazo pequeno do territorio -afirmou Filgueira- aglomeraríanse os parques eólicos de Campo das Rosas, Cabanelas, Monte de Arca, As Penizas, Pico Touriñán, Porto Vidros e Touriñán III, co conseguinte impacto sobre a paisaxe e perda de biodiversidade que supón a construción de todas as infraestruturas necesarias para dar servizo a estes parques.

O portavoz municipal, Ernesto Filgueira, lembra o gran rexeitamento social a estes proxectos, con mobilizacións multitudinarias, e fai un chamamento á veciñanza, entidades sociais, comunidades de montes e grupos políticos a participar na mobilización convocada para o domingo 22, conscientes de que canto maior sexa a presión social, maior será a posibilidade de evitar a desfeita do noso territorio.

Relacionadas

Pazos de Borbén rende´ra unha homenaxe á inigración do municipio na próxima festa dos...

0
O acto contará coa animación musical do grupo Coribantes de buchabade O Concello de Pazos de Borbén renderá unha homenaxe ás familias de emigrantes do...

A Federación Galega de Comercio presenta no Porriño a novena edición da campaña “Días...

0
• Os clientes do comercio local poderán participar ata o próximo 17 de xullo no sorteo de 64 tarxetas prepago de 150 e 250...

Un proxecto en técnicas de extracción de resina para masas de piñeiro, primeiro premio...

0
OS GALARDÓNS FORON ENTREGADOS ESTA TARDE NO MARCO DESTE CERTAME, O CAL SE CELEBRA DENDE HOXE ATA O SÁBADO NO CENTRO AGROFORESTAL DE SERGUDE...

A Xunta ordena a demolición da Presa do Inferno e a recuperación do leito...

0
A empresa concesionaria deberá eliminar a derivación da auga e paralizar a actividade da estación hidroeléctrica antes dun mesSoutomaior viviu esta mañá unha xornada...

A feira forestal Galiforest Abanca analiza no seu primeiro día os produtos non madeirables,...

0
• ESTES TEMAS ABÓRDANDSE EN DÚAS XORNADAS TÉCNICA, UNHA DELAS ORGANIZADA POLA FUNDACIÓN ARUME E OUTRA POLA AXENCIA GALEGA DA INDUSTRIA FORESTAL (XERA) DA...

Sétima cita co serradoiro dos Carranos en Covelo, ven e coñece o noso patrimonio

0
O Concello de Covelo organiza unha nova xornada de portas abertas do serradoiro dos Carranos, será este domingo 3 de xullo totalmente de balde A...

Publicacións Relacionadas