Home Pontevedra O BNG de Vigo acusa a Caballero de vandalizar a “Fiestra á...

O BNG de Vigo acusa a Caballero de vandalizar a “Fiestra á Liberdade” que homenaxea a resistencia antifranquista

- Anuncio -

O monolito, instalado no Calvario, foi utilizado este sábado como poste de amarre dunha carpa do Concello na que se repartían macetas con camelios

Xabier P. Igrexas: “O desprezo pola memoria histórica é un insulto a todas as e os demócratas. E especialmente inaceptábel e ofensivo cando provén dun alcalde que se afirma progresista e que reivindica ter sido exiliado polo franquismo”

O Bloque Nacionalista Galego denuncia que o Goberno municipal de Abel Caballero volveu “vandalizar” o monumento “Fiestra á liberdade”, instalado no Calvario en homeaxe á resistencia antifranquista, utilizándoo este sábado como poste de amarre dunha carpa do Concello na que se repartían macetas con camelios.

O concelleiro e candidato do BNG de Vigo, Xabier P. Igrexas, criticou este novo desprezo cara a unha peza escultórica que marca un lugar de memoria en homenaxe de “todas as persoas que deron a súa vida en defensa da liberdade”, nun emprazamento no que en xullo de 1936 se ergueran barricadas populares para frear o golpe fascista.

É a segunda vez en poucos meses que se utiliza esta peza escultórica de Francisco Pazos, xa que durante o pasado nadal se colocaran ao seu carón atraccións de feira.

“O alcalde que mantén en pé a cruz franquista do Castro e que completou o skyline fascista da cidade coa instalación do Sagrado Corazón na ermida da Guía, volve demostrar o seu profundo desprezo contra a memoria histórica e democrática da cidade, reducindo este monumento no Calvario a un poste”, reprochou Igrexas.

O candidato nacionalista lembrou que foi precisamente por impulso do BNG desde o Goberno municipal que se dignificou este “lugar de memoria”, co monolito inaugurado en marzo de 2011, despois de retirar o escudo franquista da Casa das Artes ou de incluír no rueiro da cidade o nome de represaliadas e resitentes contra a ditadura franquista.

“O desprezo pola memoria histórica é un insulto a todas as e os demócratas. E especialmente inaceptábel e ofensivo cando provén dun alcalde que se afirma progresista e que reivindica ter sido exiliado polo franquismo”, remachou.

Relacionadas

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

A Deputación esgota en seis minutos as prazas da actividade de “Voando nas Rías...

0
A ruta impulsada da man de SEO/BirdLife celebrarase o 23 de xuño e permitirá observar aves na contorna da praia, entre os concellos do...

Publicacións Relacionadas