test
Home Pontevedra A Lama O BNG demanda medidas urxentes de protección para a Serra do Suído,...

O BNG demanda medidas urxentes de protección para a Serra do Suído, diante da ameaza que supoñen os polígonos eólicos en tramitación nos concellos de A Lama, Fornelos, O Covelo e Avión

- Anuncio -

O deputado nacionalista Luís Bará rexistrou hoxe unha batería de iniciativas nas que propón a integración da serra na Rede Natura 2000 e a protección do patrimonio etnográfico da zona mediante a declaración como Ben de Interese Cultural (BIC)

O BNG considera moi grave que a Xunta conte con documentación que acredita os extraordinarios valores naturais da Serra en que non tome as medidas necesarias para protexela.

O BNG rexistou hoxe no parlamento galego unha batería de iniciativas en defensa da serra do Suido, como alternativa ao boom de proxectos industriais eólicos que poñen en risco os extraordinarios valores naturais, culturais e humanos deste territorio, que xa nos anos 2008 e 2012 foi proposto para a Xunta para a integración na Rede Natura 2000, iniciativas que foron paralizadas polo goberno do PP pola prevalencia de intereses empresariais de explotación dos recursos naturais, principalmente enerxéticos e mineiros.

O deputado nacionalista Luís Bará afirma que “nesta zona concorren unha serie de valores culturais e naturais extraordinarios, que fan necesaria unha actuación urxente da Xunta que garanta a súa protección, conservación e posta en valor”. Referiuse á presenza de hábitats de interese prioritario, nomeadamente as zonas húmidas denominadas turbeiras, á grande riqueza de recursos hídricos, á declaración do Suido como Área de Especial Interese Paisaxístico ou á presensa de numerosos bens culturais etnográficos (chozos, sequeiros, foxos do lobo, peches de pedra…), construidos coa técnica da pedra seca, declarada pola UNESCO patrimonio da humanidade.

Ademais, Bará faise eco de informes da Dirección Xeral de Patrimonio Natural contrarios aos parques eólicos Coto das Airas (44 MW) e Carballoso (51MW) -este último tramitado polo Ministerio para a Transición Ecolóxica-. Segundo a propia Xunta, estes proxectos supoñen unha ameaza para o estado de conservación dun espazo ben conservado e que reúne importantes valores ambientais pola presenza de turbeiras e hábitats asociados, insuficientemente representados na Rede galega de espazos naturais.

Bará calificou de preocupante que a Xunta ocultase este informe, ao que o BNG tivo acceso logo de solicitalo através do artigo 9 do regulamento do parlamento: “é realmente inquietante que a Xunta conte con un informe de novembro de 2021 que desaconsella o parque eólico Coto das Airas porque -segundo di a dirección xeral de patrimonio natural- estase a tramitar actualmente un volume importante de proxectos de desenvolvemento eólico que se superpoñen a estes espazos e que se amosan incompatibles coa conservación dos valores naturais presentes neles, o que representa un factor de perturbación que ameaza de modo significativo o seu estado de conservación e as obrigas de conservación que debe atender a Xunta de Galicia”.

Estes mesmos argumentos foron aducidos pola Xunta para informar desfavorabelmente o parque eólico Carballoso, que se tramita pola mesma empresa (Adelanta) na mesma zona que Coto das Airas (Fornelos, A Lama e Avión). Malia este informe, o Ministerio de Transición Ecolóxica emitiu un informe de determinación ambiental que permite seguir adiante coa tramitación do proxecto.

Para evitar os danos irreversíbeis que se puideran producir, o BNG considera que se debe proceder de maneira inmediata a aplicar o rexime de protección cautelar e preventiva previsto nos artigos 45 e 46 da lei 5/2019 de patrimonio natural e da biodiversidade, como paso previo ao inicio do procedemento de inclusión da serra do Suido na Rede Natura 2000.

O BNG considera moi grave que a Xunta conte con documentación que acredita os extraordinarios valores naturais da Serra en que non tome as medidas necesarias para protexela.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas