Reelixido Manuel Domínguez como responsábel comarcal, que estará acompañado por Iago Lourenzo como vicerresponsábel.
O BNG do Salnés celebrou na tarde do pasado xoves a Asemblea Comarcal para a elección do novo Consello Comarcal, dando así continuidade ao proceso da XVIII Asemblea Nacional que está a levar a cabo o Bloque Nacionalista Galego.
A candidatura de Manuel Domínguez foi a única presentada ao CC e aprobada por unanimidade da militancia que participou na asemblea.
Na súa intervención, Manuel Domínguez agradeceu o apoio recibido pola comarca durante todo este tempo que ostentou a responsabilidade comarcal, e manifestou que seguirá traballando marcándose como principal obxectivo “agrandar a base social do nacionalismo desde a nosa comarca para seguir reforzando o BNG como única alternativa política que defende os intereses do país”.
O responsábel comarcal agradeceu o traballo realizado pola militancia, responsábeis locais, membros do consello comarcal e concelleiros/as nestes últimos anos, cun saúdo especial a Xoan Castaño, vicerresponsable nos últimos oito anos. A continuación fixo un repaso da actividade nestes anos tan intensos, apoiando as reivindicacións dos sectores máis prexudicados polas políticas do PP, defendendo á xente do mar e do rural, posicionándose en contra do espolio eólico e medio ambiental, como o de Altri ou a mina de Touro, ou saíndo á rúa en defensa dos servizos públicos de calidade, en especial en sanidade e ensino.
Domínguez manifestou tamén o afán en seguir apoiando ás clases traballadoras e as maiorías sociais, así como en reivindicar para a nosa comarca unha residencia pública para maiores.
No novo Consello Comarcal estarán presentes ademais Montse Prado, deputada no Parlamento Galego; o Alcalde de Catoira, Xoán Xosé Castaño; os/as portavoces municipais de Vilagarcía, Sanxenxo, Ogrobe, Arousa, Meaño e Ribadumia; e persoas que por primeira vez formarán parte deste órgano como Mar Pérez, concelleira en Cambados e representante na Mancomunidade do Salnés.
O Consello Comarcal completarase coa incorporación da responsábel comarcal de Galiza Nova, Esmeralda Crespo, así como dos/as novos/as responsábeis locais dos concellos que conforman a comarca. Con este proceso, darase por pechada a XVIII Asemblea Nacional da formación nacionalista.
CANDIDATURA AO CC BNG O SALNÉS
- Manuel Domínguez Rey.
- Iago Lourenzo Santamaría.
- Mar Pérez García.
- Pilar Xiráldez Outeda.
- Manuel Suárez Nieto.
- Ester Vázquez Vázquez.
- Xoán Xosé Castaño Conde.
- Hortensia Rodríguez Domínguez.
- Anselmo Noya Martínez.
- Sandra Fernández Agraso.
- Xabier Rodríguez Paz.
- Montserrat Prado Cores.
- Francisco Leiro Duarte.
- Vanessa Fariña Padín.
- Duarte Correa Piñeiro.
Sup. 1. David Torres Mascato.
Sup. 2. Rosana Domínguez Rey.
Sup.3. Roberto Ferreira Fabeiro.
