Participan Montse Prado, deputada do BNG; César Rajoy, técnico de emerxencias sanitarias e Xoán Manuel Vázquez, portavoz municipal
O BNG de Meis organiza unha charla informativa sobre a situación da Sanidade Pública Galega que terá lugar o vindeiro sábado, ás 19:30 h., no Local do Multiusos do Mosteiro.
Os problemas derivados dos recortes da Xunta durante os últimos 12 anos de goberno do PP que afectan a toda a sanidade pública galega, agravouse aínda máis coa pandemia con longas listas de espera, ou falta de profesionais e eliminación do servizo de Pediatría e peches de consultorios en moitos concellos como no caso de Meis.
Esta situación de deterioro na sanidade galega tamén se pode ver nos servizos hospitalarios con retrasos nas consultas de especialistas, probas diagnósticas ou intervencións cirúrxicas.
Desde o BNG de Meis queremos dar a coñecer as nosas propostas a esta situación polo que facemos un chamamento á veciñanza de Meis a participar neste acto.