Durante os últimos días o centro de saúde de A Lama quedou sen o seu único facultativo,
deixando o noso concello sen servizo de atención primaria e sen a posibilidade de atender as posibles urxencias, co risco que isto implica para a saúde da veciñanza.
A situación que acontece na Lama, enmárcase no contexto de “desmantelamento da Atención Primaria e do conxunto da sanidade pública” que desenvolve o PP por todo o país, con baixas e vacacións do persoal que non se cobren e que no caso do noso concello se ve empreorada co insuficiente servizo de pediatría con itinerancias, tendo que desprazarse aos centros de saúde doutros concellos as persoas que precisan recibir atención sanitaria.
O BNG convoca unha concentración este domingo día 5 ás 11 da mañá, diante do centro de
saúde de A Lama en defensa da sanidade pública para dar resposta a esta situación
O portavoz municipal do BNG, Jesús Fortes destacou que “esta nova humillación do SERGAS á veciñanza de A Lama supera todas as liñas vermellas. No PP terán que explicar que é o que lle fixeron as nosas veciñas e veciños para tratalos deste xeito, deixando ao noso concello sen facultativo.
Animamos a toda a veciñanza de a Lama que crea na sanidade pública a que se concentre na mañá deste domingo día 5 con nós en defensa da sanidade pública para deixarlles claro que non imos permitir que xoguen coa saúde das veciñas e veciños de A Lama
Durante a concentración e debido á actual crise sanitaria garantirase a distancia interpersoal e será obrigatorio a utilización de máscara