Natalia Camiña: “Contamos co aval dos concellos BNG, referentes nacionais e internacionais, e co traballo e ilusión da xente que conforma a candidatura para virar o rumbo de Cuntis”
Liderada por mulleres, o BNG presenta unha candidatura completamente renovada -oito das 11 persoas non participaran anteriormente nunha candidatura do BNG-, e plural, con persoas de distintas idades, sectores económicos, e na que están representadas a totalidade das parroquias do municipio.
Unha candidatura que dá voz, protagonismo e responsabilidade ás mulleres e ao activismo cultural, feminista, sindical e lingüístico.
O BNG preséntase para mellorar Cuntis, co aval que nos dá unha organización que conta con modelos exitosos de concellos, que son, a día de hoxe, referentes nacionais e internacionais. “Con este aval traballaremos para facer realidade as iniciativas, ideas e ideais que permitan virar o rumbo que leva Cuntis”, afirmou a candidata á alcaldía, Natalia Camiña.
O obxectivo do BNG é facer de Cuntis un concello con calidade de vida, seguro para as veciñas e veciños, que realice os investimentos que as parroquias necesitan, defenda os servizos públicos, o noso patrimonio arqueolóxico e natural, e afronte os retos que supón a xestión da auga e dos residuos municipais.